Featured Stories

CAC: Proposta Lei OIC La Iha Fundamentu

husi

Dili – Komisáriu Adjuntu Manuel Bucar Corte Real Kuarta-feira (7/5) loraik lidera delegasaun Comissão Anti-Corrupção (CAC) hodi atende konvite Komisaun B Parlamentu Nasionál (PN) nian iha audiénsia públika, delegasaun kestiona, la fundamentu estabele Proposta Lei No. 11/III (2ª) kona-ba Organizasaun de Investigation Criminal (OIC).

Komisaun B oras ne’e dadaun deskute hela ho orgaun kompetente kona-ba Proposta Lei No. 11/III (2a) iha Komisaun B, proposta lei ne’e sei implementa wainhira PN aprova.

Proposta Lei OIC ne’e CAC konsidera sei aumenta regulamentu no konfuzaun ba iha esforsu anti-korrupsaun no bele hafraku kompetensia instituisaun balun iha Timor-Leste (TL) ne’ebé oras halao nian operasaun ho diak.

“Em prinsipiu, CAC sujere presija diskusaun klean kona-ba lei ne’e bazeia ba nesesidade Estadu nian,” Katak Komisáriu Adjuntu Bucar ba deputadu sira.

CAC rekomenda atu Nai Ulun Nasaun Timor-Leste (TL) konsidera no tetu didiak hodi kapasita no haforsa rekursus umanu iha CAC. Nudar nasaun ki’ik ne’ebé foin hetan nian ukun-an, kria instituisaun barak mos bele fo prejuizu rekursu finanseira ho nian implikasaun.

Prezidenti Komisaun B PN ba asuntu Negosiu Estranjeiru e Kooperasaun, Defesa no Seguransa, Deputadu David “Mandati” Dias Ximenes, lori deputadu sira nian naran espresa gratidaun no mós apresiasaun ba delegasaun CAC nian ne’ebé hatudu desponibilidade hodi depozita hanoin konstrutivu durante audiénsia públika. CAC mos agradese inisiativa deputadus sira nian hodi konvida CAC hato’o perspetiva ba proposta lei ne’e.

Delegasaun CAC kompostu husi Adjuntu Bucar, Sekretariu Exsekutivu Alexandre Freitas, Diretora Investigasaun Maria de Vasconselos, asesor senior CAC Leonor Furtadu no asesor nasional Jonas Guterres.  (*)

Post ida ne'e mos Avalia iha: English

Previous postLista rezultadu seleksaun dokumentus ba Vaga Investigador Next postKomisariu Adjuntu Comissão Anti-Corrupção (CAC) Manuel Bucar Corte Real akompanha husi adviser nasional CAC Jonas Guterres ohin (12/5) simu Resident Legal Advisor tuan iha Embaxada Estadu Unidus Amerika Senhor James Benedetto ho nian troka Senhor Glen Alexander iha edifisiu CAC Farol Dili. Sorumutu ne’e parte rua koalia mos kona-ba konstinuasaun asistensia tekniku husi embaxada USA mai Timor-Leste ba CAC iha futuru.

What do you think?

Name required

Website

Popular

CAC: Proposta Lei OIC La Iha Fundamentu