Featured Stories

Tinan Hat Dedikasaun CAC; Dezafius no Susesu

husi

Suseku kombate korrupsaun laos hare’e husi kuantidade sorumutu públiku, konferensia ka ema nain hira mak konvense ona. Susesu tenki julga husi ita nian sosiedade ho mentalidade forte atu rejeita pratika korrupsaun iha fatin servisu no iha moris loron-loron. 

Aprosimasaun Tolu Nian Susesu

Primeiru pontu, maske investigasaun pratika korrupsaun importante tebes, ida ne’e seidauk naton no insufisiente atu kombate korrupsaun iha Timor-Leste. Estudus barak hatudu katak so iha kombinasaun estratejia mak bele halo diferensia.

Iha tinan 2011, Comissão Anti-Corrupção (CAC) halao survey ida ba ema nian persepsaun kona-ba korrupsaun iha ne’ebé hatudu mai ita katak ema barak mak seidauk hatene definisaun korrupsaun. Ida ne’e presija focus laos ba deit iha prevensaun no investigasaun criminal, maibe mos ba iha edukasaun públiku.

Nune’e, lideransa CAC nian lidera husi Komisáriu Adérito de Jesus Soares ho nian Komisáriu Adjuntu nain rua; Jose Antonio “Samala-Rua” Neves ho Manuel Bucar desidi formula planu stratejiku diak ida hodi define tan area responsabilidade rua; Edukasaun no Peskiza. Ita hatene importansia ema nian konhesimentu (kona-ba korrupsaun) liu husi edukasaun maibe mos importansia bolu ema nian konsiensia atu kompriende katak korrupsaun perigu ba dezenviolvimentu nasional. Ho sisiedade ida forte ba rejeita pratika korrupsaun.

Nune’e, husi lideransa CAC nian hare’e dalan ida ba oin sei hetan susesu mak halo ho aprosimasaun tolu; Prevensaun, Edukasaun no Investigasauns ne’ebe sei fo ba ita susesu diak iha luta kontra korrupsaun iha Timor-Leste. Hare’e elaborasaun tuir mai ne’e;

Husi perspetiva edukasaun, CAC implementa ona programas ne’ebé fahe informasaun ba eskola sira husi ensinu baziku to’o nivel universidade iha teritoriu tomak. “Manu-ain” CAC bolu joven Timor oan sira atu dezenvolve konsiensia ida liu husi seminaries kona-ba perigu korrupsaun ho nian impaktu ba moris social no dezenvolvimentu ita nian nasaun, Timor-Leste.

Husi perspetiva prevensaun, CAC implementa atividade hodi kolabora ho linhas ministeriais. Ba CAC, kolaborasaun importante tebes tamba maske CAC bele investiga buat ruma la los, CAC labele modifika ka muda sistema governu nian. CAC mesak sei la resolve problema hotu iha servisu públiku. CAC sei servisu besik liu ho departamentu barak, inklui Negosiu Estranjeirus, Saude, Agrikultura, Turizmu, Diresaun Nasional Alfandegas iha Ministeriu Finansas nian okos.

No husi perspetiva investigasaun nian, CAC halao koordenasaun diak ho instituisaun governu ho investigador mais esperiensia atu hare’e ba iha kazu sira molok ba iha tribunal.

Maibe, atividade hirak ne’e seidauk atinji nian impaktu masimu. CAC hatene iha buat barak mak presija halo atu dezenvolve sosiedade ida forte no CAC nudar instituisaun ida forte. Ho platform ne’ebé CAC hatu’ur ona iha nia fatin ba luta kontra korrupsaun, CAC fiar katak ita bele atinji nesesidade future jerasaun nian.

Dezafius Ohin Loron

CAC sempre foti perspetiva positive husi persepsaun publiku nian ne’ebé tun kona-ba korrupsaun nudar insentivu ida ba staff CAC nian atu servisu maka’as liu tan. Ita hare’e ba realidade ba buat ne’ebé CAC ohin loron hasoru iha ne’e no ohin iha future konsidera dezafius hat; hametin intitusional, kontinuasaun vontade politika ba lejislasaun anti-korrupsaun, prosesu investigasaun no partisipasaun públiku.

Atu implementa misaun aprisimasaun tolu, CAC presija estabelese sistema administrasaun interna ida forte. Nudar instituisaun foun ida, estabelese no hametin administrasaun interna prioridade importante ida. Atu halo ida ne’e, CAC  halao treinamentu regular ba staff atu hadian efetividade servisu.

CAC rekonhese presija hadian CAC nian servisu investigasaun criminal no area seluk ne’ebé sei fraku no presija atu modifika. Ida ne’e konserteja prosesu normal ba instituisaun foun ida ne’ebé foin estabelese.

Kursus ka treinamentu inklui kursus sertifikat post graduate iha Universidade Hong Kong fasilita husi Komisaun Independenti Kontra Korrupsaun Hong Kong, nune’e mos kursu auditing no investigative halao iha Indonesia no Korea do Sul.

Maibe servisu investigasaun presija hetan suporta husi públiku no governu. Husi públiku, ida ne’e bele util tebes atu hato’o keixa kona-ba korrupsaun no fo presaun ba instituisaun Estadu atu hetan atensaun, maibe iha termu prosesu investigasaun criminal oferta oportunidade ba suspeitu sira atu subar ka halakon evidensia sira ne’ebé investigador CAC nian presija.

CAC iha sistema konfidensial atu simu keixas, nune’e husu ba públiku atu uza resources hirak ne’ebé iha.

Nune’e mos, programa edukasaun no prevensaun sei susesu liu tan wainhira povu nakloke an atu muda no hare’e benefisiu mudancas prosperiedade nasaun liu husi kombate korrupsaun.

Dezafius seluk CAC hasoru mak Timor-Leste presija haluan lei anti-korrupsaun inklui lei reparasaun riku soi, lei sita riku soi, lei protesaun keixador no lei jeral anti-korrupsaun.  .

Maske Timor-Leste iha artigus kodigu penal balun ne’ebé bele aplika ba pratika korrupsaun, iha draftu lei anti-korrupsaun espesifiku ida ne’ebe aprezenta ona husi Ministeriu Públiku ba Parlamentu Násional. CAC bolu membru PN atu halo draftu lei sai prioridade debate no adopta iha tempu badak nia laran.

Oras ne’e seidauk iha lei atu regula deklarasaun riku soi – lei ida ne’ebé sei util tebes-tebes atu tulun servisu CAC ba prevensaun kriminal no investigasaun criminal. CAC mos husu governu atu hanoin kona-ba mekanismu diak liu atu proteje sasin nain sira nune’e bele enkouraja ema barak liu tan mai tulun prosesu investigasaun – liu husi sira nian hato’o keixa mai iha CAC.

La iha persuasaun politika, sa mak CAC presija husi PN no governu mak tenki hatudu vontade politika ida forte atu lori vizaun ida klara no estratejia klara mos ba luta kontra korrupsaun iha Timor-Leste no suporta CAC.

CAC hatene tebes katak iha kritikas maka’as mai iha CAC, maibe buat ne’ebé CAC husu mak pasiensia no husik CAC moris buras nudar instituisaun ida, nune’e ita Timor oan tomak bele atinji espetativa a’as husi komunidade. Nudar instituisaun foun, CAC iha ne’e atu hamutuk ho povu tomak no halo parte iha mudansas oin sa sosiedade hare’e korrupsaun (nudar moras a’at ida).

Esperiensia husi ajensia anti-korrupsaun seluk iha ita nian rejiaun, hanesan CPIB (Corrupt Practices Investigation Bureau) husi Singapore ne’ebé estabelese tinan 64 liu ba, hatudu luta kontra korrupsaun ne’ebé sempre hatudu nian kontinuidade. CPIB halo servisu ida ne’e no ohin sei halo nafatin servisu hanesan iha decade hirak nia laran.

Luta kontra korrupsaun luta ida permanence, maske iha mudansa governasaun nian ho potensia ba diferensia partidus politika hodi ukun iha kada tinan lima liu husi eleisaun jeral. Mudansa tenki akontese husi jerasaun ba jerasaun.

Husi tula enerjia ba malu entre Timor oan ida-idak ho estratejia ida klaru ne’ebe CAC iha oras ne’e, ita (Timor oan hotu) bele kombate korrupsaun iha ita nian nasaun doben. Ita bele realiza ita nian mehi hamutuk Timor-Leste nudar nasaun independente ho nian sidadaun hotu moris iha prosperiedade. Iha pasadu ita luta ba libertasaun husi opresaun, ohin ita tenki luta atu liberta TL husi korrupsaun. (*)

Post ida ne'e mos Avalia iha: English

Previous postRezultadu lista admitidu (passa) ba Izame saude, iha area Investigasaun Next postUtilizasaun Rekursu Estadu; Perspetiva Responsabilidade

What do you think?

Name required

Website

Popular

Tinan Hat Dedikasaun CAC; Dezafius no Susesu