Featured Stories

Ekipa CAC Halo Vizita Kortezia Dala-Uluk Ba Prezidente Repúblika

husi

Dili – Ekipa Comissão Anti-Corrupção (CAC), lidera husi Komisariu Dr. Adérito Tilmán iha Segunda-Feira (18/8) ohin , hala’o vizita kortezia ba Dahuluk ba Prezidenti Republika Taur Matan Ruak (TMR) iha Palasiu Prezidenti Nicolau Lobato Aitarak-Laran, Dili.
Objektivu husi sorumutu kortezia ne’e, aprezenta ba Nai Prezidenti da Republika Taur Matan Ruak kona-ba bareira legais ne’ebé CAC infrenta. Lei anti korrupsaun seidauk hetan aprovasaun iha Parlamentu Nasional (PN) no lei organika CAC nian.
Delegasaun aprezenta strutura Segundu Mandate CAC nian ba Prezidenti Matan Ruak no informa mos ba ulun bo’ot nasaun Timor-Leste ne’e kona-ba servisu komisaun nian. Iha ne’e, Komisáriu Adérito Tilmán informa CAC nia servisu konsentra iha áreas importante tolu: Prevensaun, Edukasaun Peskiza, no halo investigasaun criminal ba lala’ok korrupsun. Iha sorumutu ne’e mos, ulun bo’ot CAC nian hato’o kona-ba difikuldades nebe CAC hasoru durante hala’o nia knaar.
Informa mos ba Nai Prezidenti Republika Matan Ruak kona-ba investigasaun criminal ba 2014 ne’ebé CAC simu ona keixa hamutuk 30 no inkaminha ona ba Prokurador Jeral Repúblika no kazu 10 mak sei iha faze analisa.
“Husu apoiu Prezidenti Republika nian ba servisu CAC liu-liu halo komunikasaun ho PN no governu atu tau matan lalais ba bareira legais,” katak Komisariu CAC Dr. Adérito Tilmán.
Prezidenti TMR agradese ba esforsu tomak nebe halo ona desde instituisaun CAC harii tinan hat liu ba, katak maske foin harii, CAC halo ona kontribuisaun signifikante ba prosesu kombate korrupsaun iha nasaun Timor-Leste. Prezidente mos hatutan katak nia rasik prontu atu servisu hamutuk ho CAC hodi kombate korrupsaun iha Timor-Leste.
Hafoin sorumutu ho Nai Prezidenti Repúblika, delegasaun husi CAC hasoru malu ho eis-Prokurador Jeral da Republika Dra. Ana Pessoa. Iha vizita kortezia ofisisal ba Dahuluk ne’e, Komisáriu Dr. Adérito Tilmán akompanha mos husi Komisáriu Adjuntu ba Prevensaun Manuel Bucar, Komisáriu Adjuntu ba Edukasaun no Peskiza no Asesor Nasional Jonas Guterres. (*)

Post ida ne'e mos Avalia iha: English

Previous postKonferensia Loron Rua Hametin Lasu Entre Anti-Korrupsaun TL no Indonesia Next postParseria Foun CAC-UNODC Atu Kombate Korrupsaun Iha Timor-Leste

What do you think?

Name required

Website

Popular

Ekipa CAC Halo Vizita Kortezia Dala-Uluk Ba Prezidente Repúblika