Uncategorized

Komisariu Tilman Ezizi CCI Ainaro Involve Iha Luta Kontra Korrupsaun

husi

Ainaro – Komisariu Comissão Anti-Corrupção (CAC) foun Dr. Adérito Tilman halao primeiru vizita ba distritu Ainaro hodi membru Camara Comerçio e Industria – Timor Leste (CCI-TL) no públiku kona-ba prevene no kombate korrupsaun iha Timor-Leste.
Workshop ho topiku “Papel Setór Privadu ba Fortifikasaun Dezenvolvimentu Nasionál: Kontestu Prevensaun Korrupsaun” realiza iha edifisiu Ministeriu Agrukultura Ainaro iha loron Tersa-feira (5/8) no workshop hanesan mos sei halao Distritu Manufahi Kinta-feira (7/8).
Emprezariu lokal liu nain 50 halibur malu iha edifisiu Agrikultura Ainaro hodi estuda kona-ba badaen foun ba prevene korrupsaun ne’ebé sei tulun sira atu halo parte importante ba luta kontra korrupsaun iha Timor-Leste.
“CAC nian prezensa iha distritus tomak atu informa ba publiku kona-ba papel CAC no ita boot sira nian partisipasaun iha konstrusaun Estadu ho maneira la ho suborn ka korrupsaun, maibe ho onestidade, transparante no la korrupsaun,” katak Komisariu Tilman.
Nudar parseiru governu, ida ne’e importante katak seitor privadu identifika no oinsa atu prevene pratika subornu no korrupsaun nune’e dezenvolvimentu nasaun akontese iha transparante no maneira dignidade.
Ida ne’e konsistente ho Planu Prevensaun CAC ba 2014-18 nian, iha ne’ebé fokus liu iha area prioridade hat mak; aprovizionamentu, vontade politika, desentralizasaun poder governu no diresaun alfandega.
Komisariu Tilman akompana husi Komisariu Adjuntu ba Prevensaun Manuel Bucar no Diretor Prevensaun Abrão Jose Freitas (*).

Post ida ne'e mos Avalia iha: English

Previous postKomisáriu Adjuntus CAC Simu Posse Next postKonferensia Loron Rua Hametin Lasu Entre Anti-Korrupsaun TL no Indonesia

What do you think?

Name required

Website

Popular

Komisariu Tilman Ezizi CCI Ainaro Involve Iha Luta Kontra Korrupsaun