Uncategorized

Konferensia Loron Rua Hametin Lasu Entre Anti-Korrupsaun TL no Indonesia

husi

Dili – Komisáun anti-korrupsaun ho organizasaun sosiedade civil iha Timor-Leste ho Indonesia mai tur hamutuk hodi fahe ba malu konesimentu iha luta kontra korrupsaun.

Reprezentante Komisi Pemberantasan Korupsi (KPK) no ONG Indonesia Corruption Watch (ICW) husi Indonesia to’o iha Dili ba konferensia loron rua, halao husi loron 14-15 Agosto iha Palm Business Centre iha Surik Mas.

Konferensia ida ne’e, finansia Kooperasaun husi Alemana, inisia husi Deutsche Gesellschaft für Internationale Zusammenarbeit (GIZ) GmbH, iha nebe, governu federal Alemana nudar nain ba, suporta governu Alemana hodi atinji nian objetivu iha kooperasaun internasional ba dezenvolvimentu sustentavel.

Comissão Anti-Corrupção (CAC) Timor-Leste identifika ona hametin kooperasaun institusional entre nasaun rua no aumenta kapasidade sosiedade civil hanesan sira nian prioridades rua durante nian segundu mandatu.

KPK iha pasadu suporta ona CAC hodi halao programa treinamentu iha areas balun inklui investigasaun no prevensaun korrupsaun ba staff iha Jakarta. Konferensia ida ne’e etapa tuir mai iha fahe ba malu esperiensia no konesimentu sira atu dezenvolve stratejia diak ba prevene korrupsaun, edukasaun no peskiza no aumenta kapasidade staff sira.

“Ita ohin aprende no kolabora ho ita nian belun sira iha jurisdiksaun seluk ne’ebé bele tulun benefisia ita diak liu iha ita nian rai,” katak Komisariu Adérito Tilmán.

“Durante loron rua nian laran, funsionariu sira estuda badaen valor husi pratisionariu anti-korrupsaun sira ne’ebé luta kontra korrupsaun iha Indonesia ba tinan barak ona. Hau hein ba oin atu kontinua troka informasaun ba malu ne’e no hametin relasaun forte liu tan ho KPK,”

Workshops lubun balun halao ona, ikluindu; aprosimasaun prevensaun korrupsaun; edukasaun no stratejia konsiensializasaun; papel sosiedade civil; no kooperasaun nasional no internasional.

“Oin ita estuda? Estuda husi organizasaun hotu-hotu iha rai laran no mos rai liur. Tamba ne’e, ami hare’e servisu hamutuk entre ajensia domestika no internasional sei bele hametin Komisaun ne’e rasik”. Katak Chefe delegasaun KPK Indonesia Johnson Ginting.

“Hau espera katak ami nian esperiensia durante ne’e sei util tebes ba belun sira iha ne’e hodi hari’i dezenvolvimentu no programa sira ne’ebé diak liu tan ba komunidade.”

Rekonese papel importante sira halao hodi lori transparansia no akuntabilidade ba prosesu governu, sesaun dadersan nian dedika ba sosiedade civil hodi fahe ba malu konesimentu no esperiensia.

Públiku ativu esensial ba kombate korrupsaun, iha nebe mak kooperasaun dezenvolvimentu Alemana mos focus iha hametin sosiedade civil,” Katak acting country coordinator GIZ, Heinz-Josef Heile.

“Alemana partisipa ativamente iha agrementu internasional hanesan Extractive Industries Transparency Initiative (EITI) no kontinua atu servisu besik liu ho Transparency International (TI). Ami kontenti katak konferensia ida ne’e bele halao loron ohin.”

Reprezentante husi instituisaun governu Timor-Leste hamutuk ho funsionariu CAC iha konferensia ida ne’e, inkluindu husi edifisiu Prokurador Geral da Repúblika (PGR), Inspeitor Geral do Estado (IGE), edifisiu PDHJ no husi inspeitor linas ministeriais sira. (*)

Post ida ne'e mos Avalia iha: English

Previous postKomisariu Tilman Ezizi CCI Ainaro Involve Iha Luta Kontra Korrupsaun Next postEkipa CAC Halo Vizita Kortezia Dala-Uluk Ba Prezidente Repúblika

What do you think?

Name required

Website

Popular

Konferensia Loron Rua Hametin Lasu Entre Anti-Korrupsaun TL no Indonesia