Featured Stories

Parseria Foun CAC-UNODC Atu Kombate Korrupsaun Iha Timor-Leste

husi

Dili – Projeitu foun ida ho durasaun ba tinan tolu nian suporta husi Edifisiu Nasoens Unidas ba Droga no Krimi, the United Nations Office on Drugs and Crime (UNODC) sei ajuda kombate korrupsaun iha Timor-Leste hodi hametin kapasidade supremasaun lei no haforsa sosiedade civil.
Country Manager UNODC, Sr. Troels Vester no Komisariu Comissão Anti-Corrupção (CAC) Dr. Adérito António Pinto Tilmán hahu projeitu ne’e offisialmente iha Salaun Enkountru CAC Farol, Dili.
Projeitu ne’e sei suporta finansia husi governu Noruega.
“UNODC fiar katak xavi atu luta kontra korrupsaun mak liu husi esforsu konjunta no kolaborativu husi parte hotu-hotu,” Katak Sr. Vester iha hahu loke projeitu ne’e.
“Atu suporta esforsu anti-korrupsaun governu Timor-Leste nian, nune’e mos atu promove ninian dezenvolvimentu estratejia anti-korrupsaun, UNODC sei asegura involvimentu no hakbesik parte hotu-hotu sosiedade nian iha prevene no luta kontra korrupsaun.”
Komisariu Tilmán simu komitmentu husi UNODC, no hato’o ninian gratidaun ba governu Noruega ba suporta projeitu ne’e.
“CAC espera ba oin servisu ho profisionais anti-korrupsaun kualifikadu sira ne’ebé bele tulun reforsa instituisaun ho nian kapasidade, no dezenvolve abilidades foun iha area aplikasaun lei no formasaun parseria komunidade,” Katak Komisariu Tilman.
“Alem de ne’e, ami konsidera dezenvolvimentu estratejia nasional luta kontra korrupsaun hanesan parte integrante ida hodi tulun kada sidadaun Timor-Leste nian dezenvolve sentidu ida forte ba rejeita korrupsaun.
“CAC mos iha komitmentu atu halao papel ativu ba luta kontra korrupsaun iha eskala global, liu husi ami nian involvimentu iha kuadru internasionais no servisu ho ita nian belun sira iha instituisaun kombate korrupsaun seluk.”
Iha elaborasaun termus projeitu nian, UNODC ho CAC identifika ona numerous area sira iha ne’ebé apoiu sei focus ba:
• Dezenvolvimentu iha estratejia nasional kombate korrupsaun ida no akompanhamentu planu asssaun. Assistensia sei fo husi UNODC iha dezenvolvimentu, aumesmu tempu asegura prosesu nasionalmente no fortalese/hametin kapasidade propria nasaun ba dezenvolve, akompanha no avalia implementasaun estratejia no planu asaun.
• Kapasitasaun ba funsionariu nasional hodi melhora investiga, prosesa no julga kazu korrupsaun sira. Funsionariu CAC sei asesu ba profisionais anti-korrupsaun tempuradas liu husi seminaries no metodu treinamentu sira seluk.
• Suporta ba reforsa kapasidade institusional. Ida ne’e sei abranje dezenvolvimentu etika interna no mekanizmu disiplina no apoiu ba halao avaliasaun regular kombate korrupsaun.
UNODC nian esforsu kombate korrupsaun iha Timor-Leste sei focus no suporta para atende ejijensia KOnvensaun Nasoens Unidas kontra Korrupsaun (UNCAC), partikularmente akompanha rekomendasaun UNCAC nian ba implementasaun revizaun estadu parte iha kapitulu III (Kriminalizasaun no Aplikasaun Lei) no IV (Kooperasaun Internasional).
Bazeia ba rezultadu dadaun ne’e iha prosesu revizaun, UNODC sei tulun governu Timor-Leste hodi traduz rezultadu hirak ne’e iha kuadru juridiku efetivu ida. Objetivu ikus sei koloka governu iha pozisaun ida atu introdus reformas legais no institusionais nesesaria hodi inkorpora tomak provizaun UNCAC iha sira nian ordenamentu legal domestiku/internu.
Parseiru interesadu sira, inkluindu sosiedade civil, enkoraja atu kontaktu UNODC no CAC iha future hodi koalia diak liu tan kona-ba oinsa sira bele partisipa iha projeitu ida ne’e. (*)

Post ida ne'e mos Avalia iha: English

Previous postEkipa CAC Halo Vizita Kortezia Dala-Uluk Ba Prezidente Repúblika Next postKomisariu Polisia Nasional Timor-Leste (PNTL) Dr. Longuinho Monteiro akompana husi Komisariu Adjuntu José Neves Segunda (15/9) ohin ofisialmente loke formasaun “Uza Forsa no Armas” ba ajentes CAC nian nain 14 iha Akademia Polisia Comoro, Dili. Objetivu formasaun ne’e atu hadiá mentalidade, disiplina, atetude, espiritu de korpu no kamaradajen, loyalidade ajentes CAC hodi garante lei no orden. Atu aumenta liu tan konesimentu ba tekniku uza forsa no ormas ne’ebé lejitimu tuir lei vigora iha nasaun RDTL. Treinamentu ne’e nian durasaun sei han semana ida.

What do you think?

Name required

Website

Popular

Parseria Foun CAC-UNODC Atu Kombate Korrupsaun Iha Timor-Leste