Featured Stories

CAC-KPK Formaliza Kooperasaun Bilateral

husi

IMG_9662Jakarta – Komisariu Dr. Adérito Tilman reprezenta Comissão Anti-Corrupção (CAC) Timor-Leste (TL) Ketua Komisi Pemberantasan Korupsi (KPK) Indonesia, Abraham Samad asina Memorandum de Intendimentu (MoU) ida iha edifisiu KPK Jakarta, Indonesia iha loron Sesta-feira (31/10) loraik.

Sai sasin ba seremonia asinatura ne’e offisiais nivel alto ajensia anti-korrupsaun nasaun rua mak; KOmisariu Adjuntu CAC Manuel Bucar, Wakil Ketua KPK Adnan Pandu Praja, reprezentante GIZ no reprezentante ambassador TL ba Indonesia, Lisualdo Gaspar.

Objetivu MoU ne’e atu estabelese no hametin kooperasaun internasional no kooperasaun bilateral entre Timor-Leste ho Republika Indonesia ba prevene no kombate korrupsaun. Atu dezenvolve, promove no aumenta kapasidade institusional CAC-KPK nian.

MoU ne’e rekonhese importansia prinsipius soberania, igualidade, respeitu no benefício mútuo ba leis ne’ebé iha no regulamentos, sistemas administrativus, direitos inerentes bà soberania nasional no kompatível agreement internacional ba respectivos Estados da partes ne’ebé envolvidu, inkluindu Convenções Nações Unidas Kontra Korrupsaun ( UNCAC) no Convenção Nações Unidas Kontra Crime Organizado Transnasional (UNTOC).

Areas kooperasaun defini husi MoU ne’e inkluindu sharing no troka ba malu estudus, peskiza, informasaun kona-ba medidas preventive hanesan edukasaun komunidade, kampanhas no sensibilizasaun anti-korrupsaun, formasaun no atividades kooperasaun ne’ebé sei desidi husi parte rua wainhira konsidera necessáriu.

“MoU ne’ebé asina ohin loron sei tulun fornese ita ho aprosimasaun komitmentu ida atu servisu hamutuk besik malu liu tan, iha ne’ebé sei husik ita atu atinji ita nian objetivu komun kontra korrupsaun, moras kroniku ida bolu korrupsaun,” katak Komisariu Tilman.

Iha MoU ne’e mensiona pontus importante hanesan; halao formasaun ba ofisial integridade instituisaun rua ne’e, troka matenek nain instituisaun rua nian iha operasional, troka informasaun no dadus ba interese investigasaun criminal no prosecution. Mutual legal assistant nune’e mos law enforcement authority ne’ebé aplika iha parte idak-idak nian.

MoU ne’e mos sei fo espasu ba official instituisaun rua ne’e partisipa iha forum, konvensaun, konferensia no workshops sira kona-ba prevensaun no investigasaun no asistensia legal mutuo, estradisaun, buka tuir assets.

“MoU ida ne’e importante ba ita nian kolega instituisaun anti-korrupsaun iha mundo atu asegura katak ita nian esforsu atu kombate korrupsaun mak esforsu koletivu. Tamba ne’e, hau hare’e ba oin iha futuru kooperasaun ne’ebé ezisti ona entre CAC ho KPK bele intensive liu tan” Katak Komisariu KPK Abraham Samad. (*)

Post ida ne'e mos Avalia iha: English

Previous postStaff CAC Konklui On Job Training Iha KPK Ho Susesu Next postCAC Halao Rekrutamentu Ba Investigador No Offisial

What do you think?

Name required

Website

Popular

CAC-KPK Formaliza Kooperasaun Bilateral