Featured Stories

CAC Halao Rekrutamentu Ba Investigador No Offisial

husi

IMG_0143Dili – Aplikantes nain 212 tuir izame eskrita ba vagas 10 atu sai investigador Comissão Anti-Corrupção (CAC) nian iha Akademia Polisia Nasional Timor-Leste (PNTL) Comoro Dili iha loron Sesta-feira (14/11). Loron Segunda-feira (17/11) kandidatus nain 174 tuir izame eskrita ba vagas hat iha Eskola Canossa Has Laran, Dili. Nune’e total 386 aplikantes mak tuir prova eskrita ba vagas 14 iha CAC.
Tuir planu CAC nian sei rekruta investigador hamutuk nain 10 hodi kompleta total investigador nain 15 ne’ebé iha ona. Iha preosesu rekrutamentu ba investigador, CAC sempre servisu hamutuk ho Instituisaun Prokurador Jeral da Republika no PNTL. Prosesu rekrutamentu ba funsionariu publiku, CAC servisu hamutuk ho Comissão Função Pública (CFP).
“CAC halo rekrutamentu ba investigador nain 10 iha tinan ne’e no rekruta tan funsionariu publiku nain hat ba vagas ho pozisaun Estudu no Analiza BoQ, Estudu Juridiku no Politika, Sidadania Civika no Peskizador,” Katak ofisial Rekurusu Umanu CAC, Luis Ersio Guterres.
Iha rekrutamentu tinan ne’e, funsionariu CAC hamutuk nain ne’en (6) mos konkore ba vaga investigador maibe hetan pena diskualifikasaun husi Senior Management CAC nian. Nune’e mos iha offisiais PNTL nain tolu mak konkore ba vaga investigador maibe CAC la autoriza tamba la iha autorizasaun husi Komando PNTL.
Rekrutamentu ida ne’e nudar rekrutamentu ba Dahuluk iha Komisariu CAC Segundu Mandatu Adérito Tilman nian lideransa ne’ebé toma posse iha loron 15 fulan Juluhu 2014. Oras ne’e funsionariu no investigador CAC nian hamutuk nain 65. (*)

Post ida ne'e mos Avalia iha: English

Previous postCAC-KPK Formaliza Kooperasaun Bilateral Next postCAC Halao Reflesaun Annual Iha Maubara

What do you think?

Name required

Website

Popular

CAC Halao Rekrutamentu Ba Investigador No Offisial