Featured Stories

CAC Komemora Aniversario Ba Dalimak

husi

IMG_1375Dili – Loron 22 Fevereiro 2010 nudar loron estabelesimentu Comissão Anti Corrupção (CAC) selebra aniversario ba Dalimak iha loron Sesta-feira (20/2) tinan ne’e. CAC organiza workshop hodi konvida orador principal sira husi governu no instituisaun judisial ho Tema “Kombate korrupsaun hare’e husi Perspetiva Legal” ne’ebé halao iha Salaun Nobre Ministeriu Negosiu Estrajeitu, Dili.

Oradores xavi iha Primeiru Sesaun mak Komisariu Dr. Adérito Pinto Tilman, Nai Prezidenti Tribunal Rekursu, Dr. Guilhermino da Silva, Nai Primeiru Ministru dr. Rui Maria Araujo no Sesaun Segundo aprezenta oradores hanesan Prokurador Adjunta Dra. Zelia Trindade, Provedor Direitus HUmanus no Justisa (PDHJ) Dr, Silverio Pinto no Vice Prezidenti Komisaun A PN Arão Noe.

Objetivu husi workshop loron tomak ne’e atu halibur hanoin husi parte autoridade ezekutivu, lejislativu no yudikativu atu hametin integridade pessoal no instituisaun hodi sai mata dalan ba governasaun ida ne’ebé diak ba interese dezenvolvimentu nasionál no sai hanesan nukleu ba hanoin diak husi Ukun Nain sira iha esforsu koletivu ba luta kontra korrupsaun no tane a’as valores boa governasaun iha nasaun joven Timor-Leste.

Tema aniversario CAC nian ba Dalimak iha loron 20 Fevereiro 2015 nian ne’e hanesan reflesaun ida ba entidades hotu hodi fó hanoin positivu no hafanun nafatin konsiensia públiku nian ba luta kontra korrupsaun. Envolve mos servidor públiku senior sira iha eventu ne’e tamba jerente Estadu nudar ajente xavi no ba mudansas ho responsabilidade moral hodi tane a’as valores transparensia no akuntabilidade iha servisu fatin loron-loron.

Festa selebrasaun loron moris CAC ne’e, kompara ho festa selebrasaun públiku seluk, simples tebes—laiha seremónia espesial ko’a dosi kek ka loke champanhe botir lubun bot hodi selebra festa ne’e. Iha nia diskursu badak, Komisáriu Dr. Adérito Tilman hateten: la fó toleránsia ba hahalok a’at korrupsaun nian, ka “toleránsia zero” hodi kontinua minimiza nafatin barreira no dezafiu sirak ne’ebé iha, no hatudu atuasaun firmeza la sei muda pasu ida ba kotuk hodi fó fatin oituan ba hahalok a’at korrupsaun nian. Persija dedikasaun makas no forte husi ema hotu; ajensia gvernu, sosiedade civil, no seluk tan. Tamba ne’e, mak hau ekspresa sentimentu kompatriota no mós vontade pozitivu ba esforsu, dedikasaun no progressu ne’ebé Komisaun ne’e atinji ona durante tinan lima nia laran,” katak Komisariu Adérito Tilman.

Partisipante no Ukun Nain sira mak marka prezensa iha festa selebrasaun ne’e hatudu laran haksolok no entusiasmu bo’ot durante eventu ne’e. Iha diskusaun aberta ne’e mos mosu hanoin ida atu oinsa Ukun Nain sira nia afirmasaun atu aprova lei anti-korrupsaun hodi fo forsa ba CAC ba kombate korrupsaun iha Timor-Leste. (*)

Post ida ne'e mos Avalia iha: English

Previous postEstatementu Suporta no Solidaridade ba Komisi Pemberantasan Korupsi (KPK) Indonesia Next postDiskursu Nai Primeiru Ministru dr. Rui Maria de Araujo nia iha Komemorasaun Aniversariu CAC Ba Dalimak

What do you think?

Name required

Website

Popular

CAC Komemora Aniversario Ba Dalimak