Featured Stories

Diskursu Nai Primeiru Ministru dr. Rui Maria de Araujo nia iha Komemorasaun Aniversariu CAC Ba Dalimak

husi

IMG_2515Senhor Prezidenti Tribunal Rekursu, distintus deputadus, membru governu sira, korpu diplomatiku, senhor Komisariu CAC, senhores Komisariu Adjuntu CAC ninian, Prezidenti da KOmisaun da Publika, dirijentes, funsionarius.

Parazer boot ida mai hau iha hau nia primeira semana nudar Primeiru Ministru atu hato’o iha okaziaun espesial Kintu anniversariu CAC ida ne’e, liafuan oan ruma.

Aniversariu ida ne’e signifika laos deit atu selebra rezultadus CAC ninian maibe atu afirma mos importansia ba ita nia paiz nia future hanesan instituisaun ida forte ho poder atu kombate korrupsaun.

CAC instituisaun Estadu ida importante e principal ida ne’ebé apoia governasaun. Komisaun ne’e instituisaun independente husi governu ne’ebé responde ba Parlamentu Nasional kona-ba asuntu korrupsaun nian.

Ohin foin mak loron dahat (dala hat) servisu hanesan Primeiru Ministru. Tarefa ida husi governu foun ne’e mak atu aprezenta bens membrus governu nian ka lista rikusoi membrus governu nian ba iha tribunal e mos ba CAC (se la salan).

Pessoalmente husi pontu de vista legal ou komprimentu lei nia, ami (membru governu) sei halo ida ne’e iha semana hirak tuir mai. Wainhira ami termia ami nian mandate, ami sei entrega mos ami nian deklarasaun bens de moves ida. I hau promote ho Nai Maromak nia ajuda katak hau sei la hetan lukru ruma durante mandate ida ne’e.

Wainhira mandate VI Governu Konstitusional ne’e hotu, hau hein katak Timor-Leste bele hetan rekonhesimentu hanesan leader ida iha governasaun aberta, transparente, responsavel no ethic.

Ita hahu halao dadauk ona dalan ba iha neba tamba servisu diak ne’ebé Comissão Anti-Corrupção halo. Estabelesimentu Comissão Anti-Corrupção ne’e sai nudar realizasaun markante ida husi IV Governu Konstitusional. Aprovasaun lejislasaun ne’e halao liu tiha konsultas publikas barak, diskusaun ne’ebé abrajente, I depois liu husi konferensia trabalhas barak hanesan ita hotu-hotu hatene.

Konsultas publikas sira ne’e husik klaru tebes-tebes mai ita katak laos deit korrupsaun mak sai nudar preukupasaun boot ida ba povu Timor tomak maibe apoiu ba hamosu Comissão Anti-Corrupção ne’e mos boot tebes-tebes iha populasaun nia leet.

Iha V aniversariu (CAC nia) ida ohin, hau bele konfirma nudar chefe governu katak apoiu ida ne’e sei kontinua ba oin nafatin.

Maske nune’e se ita hanoin tinan lima ba kotuk, Comissão Anti-Corrupção ne’e karik liafuan mamuk iha surat tahan. Tamba, maske mos Parlamentu Nasional aprova lejislasaun la iha fasilidadesm funsionarius la iha I la iha rekursus atu halo investigasaun.

Hanesan mos instituisaun Timor oan nian hotu-hotu Comissão Anti-Corrupção tenki hahu hari’I nia a’an husi zero. I hau hakarak aproveita selebrasaun V  anniversariu ida ne’e atu mos husik hela liafuan louvor ida ba Primeiru Komisariu Comissão Anti-Corrupção Senhor Adérito Soares ne’ebé servisu maka’as fo vid aba instituisaun liu husi ninia empenhu, ninia intelijensia I forsa husi nia karakter.

Senhor Adérito Soares merese kreditu boot tebes ba servisu ne’ebé nia presta ba nasaun I ba marka historiku ne’ebé ita alkansa ona ohin. La haluha mos atu hato’o agradesimentu ba adjuntu nain rua ne’ebé halao ona servisu ho diak to’o oras ida ne’e. I agradese mos Komisariu foun ne’ebé naran primeiru hanesan ho Komisariu anterior so apalidu deit mak la hanesan, I halo servisu ida ne’ebé diak I hatudu vontade boot atu vense difikuldades sira ne’ebé iha.

Senhoras no Senhores sira,

Korrupsaun iha impaktu maka’as tebes-tebes iha ita nia sosiedade. Afeta ema kiak sira liu husi aumentu kustu vida, redusaun ba nivel de vida, envolve ema naok osan publiku, hau uza liafuan naok, naok osan publiku tamba lolos osan sira ne’ebé ita gasta atu halo mosu bem estar social ninian ita la uza halo lolos. I osan sira ne’ebé ita naok lolos uza ba servisu publiku iha saude ka, edukasaun ka iha buat sira seluk-seluk tan.

Korrupsaun ne’e mos obstakulu boot ida ba iha dezenvolvimentu ekonomiku. Emprezas barak make vita atu investe iha ita nia rain tamba persepsaun korrupsaun. I wainhira persesaun korrupsaun ne’e lao nafatin signifika ita lakon empregus barak, ita lakon oportunidade barak hodi hamosu rikeza hodi bele fahe iha ita nia sosiedade nia laran.

I liu-liu korrupsaun destroe konfiansa iha Estadu. I faktu ida ne’e bele halo konstrusaun paz I konstrusaun Estadu nian difisil tebes-tebes atu konkretiza. Ita nia povu la sofre tebes-tebes, la sakrifika a’an tebes-tebes durante luta libertasaun nian atu hare’e ninia rain, n inian nasaun, ninian estadu hamout a’an iha korrupsaun nia laran.

Tamba ida ne’e mak ita presija atu garante katak korrupsaun iha Timor-Leste sei la halo diak ba ema ida. Ita tenki mos husik hela klaru ba ema hotu-hotu katak se mak pratika auto-korrupsaun, nia liu husi riskus boot. Embora maske agora ema seidauk kaer mais nia iha risku boot.

Ita labele hola meius medidas I muito menus deskulpa, fo deskulpa ka aseita korrupsaun. ita labele husik korrupsaun hamosu abut barak iha ita nia sosiedade. Tamba ida ne’e, ita presija Comissão Anti-Corrupção ida ne’ebé forte, ne’ebé iha kapasidade atu hola medida ida ne’ebé firmi maibe mos ho rigor, labele akuza ema naran-naran deit. Ita iha poder atu sadik governu hodi bele sai nafatin responsavel no honestu.

Governu ida ne’e hare’e diak tebes-tebes kontenti atu servisu hamutuk nafatin ho Comissão Anti-Corrupção no atu fo nafatin apoiu ba servisu ne’ebé nia dezenvolve.

Dala ida tan hau manifesta komprimisu katak governu ida ne’e sei fo apoiu tomak, kooperasaun tomak ne’ebé Comissão Anti-Corrupção presija atu bele kombate ho efetividade korrupsaun iha ita nia rain.

Hau fo apelu ba Komisaun atu kontinua halo nafatin servisu ne’ebé diak laos deit iha investigasaun ba situasaun korrupsaun maibe mos iha dezenvolvimentu ba iha aksaun hodi hadok a’an husi korrupsaun liu husi kampanhas, edukasionais no aksaun espesifika hamutuk ho servisu sira ne’ebé iha areas riskus.

Hau hakarak hateten ba funsionarius publiku hotu-hotu no mos ba sidadaun Timor oan hotu-hotu katak ita sei la tolera korrupsaun. I hein katak sistema juridiku iha ita nia rain sei bele halo servisu diak liu tan hodi apoia kombate ba korrupsaun.

Oportunidade ohin mos fo biban mai hau atu koalia kona-ba importansia governasaun diak nian. Ida ne’e signifika importansia kona-ba governasaun ne’ebé honestu, responsavel, nakloke ka abertu, transparente no hatuban a’an ba iha valores etikus ne’ebé diak.

Ita presija kompriende katak ejijensia boa-governasaun laos obstakulu ba dezenvolvimentu wainhira ema ejiji ita atu tuir prinsipius boa-governasaun! Ema laos atu tau onstakulu ba dezenvolvimentu maibe hakarak ita atu halo dezenvolvimentu diak liu.

Ita out hakarak katak governu ida ne’e bele servisu ho responsabilidade, ho efisiensia, ou bele iha kapasidade atu presta servisu no asegura servisu ho kualidade ba ita nia populasaun. Tamba ida ne’e, hanesan hau temin tiha ona iha diskursu inagurasaun, deskursu tomada de posse, hau sei nafatin ejiji integridade iha governu.

Ita presija orgaun independente hanesan Comissão Anti-Corrupção atu bele iha kbiit hodi kombate korrupsaun.

Hau hakarak agrdese Senhor Komisariu Adérito Tilman tamba konvida ona ohin hodi hato’o netik liafuan ruma iha okaziaun importante ida ne’e. hau hakarak mos elojia dedikasaun no servisu ne’ebé Komisaun halo ona I hau hein katak ho ita boot nia lideransa servisu sira Comissão Anti-Corrupção nian sai bele diak liu tan ba oin.

Ikus liu, atu fo hanoin fila fali ba Comissão Anti-Corrupção liafuan balun ne’ebé hau utiliza durante tempu ida ne’e tenki iha rigor, tenki iha firmeja. Rigor signifika ita labele akuza ema arbiru deit ho baze notisias ne’ebé sai iha jornal. Ita tenki hetan faktus, ita tenki kaer metin faktus hodi bele akuza ema. Firmeja katak wainhira iha ona faktus, ita labele halimar. Tenki hola medidas.

Ikus liu, ohin hau temin dehan governu sei prepara hela deklarasaun de bems atu semana hirak oin mai pois ami sei hato’o. maibe hanesan aktu politiku ida ho boa-vontade, ne’e laos auto juridiku, Senhor Tribunal Rekursu depois ami se ba to’o iha neba entrega. Maibe, hanesan aktu politiku de boa-vontade, hau nudar chefe do governu hau hakarak aprezenta hau nia deklarasaun de bens ba Senhor Komisariu CAC ninian hanesan sinal ida hau nia komprimisu ba iha governasaun ida aberta I transparente. Obrigado. (*)

Post ida ne'e mos Avalia iha: English

Previous postCAC Komemora Aniversario Ba Dalimak Next postKomisariu Adjuntu Comissão Anti-Corrupção (CAC) José “Sama Larua” Neves ohin Tersa-feira (24/2) dadersan lidera sorumutu preliminary ida atu estabelese grupu trabalhu ba implementasaun United Nations Convention Against Corruption (UNCAC) nia iha edifisiu CAC Farol, Dili. Sorumutu ne’e koalia kona-ba termus referensia, planu asaun ne’ebé delegasaun fokal point husi instituisaun governu, judisiariu, Sosiedade Civil no reprezentante Prezidenti Republika mak halo parte iha grupu trabalho ne’e.

What do you think?

Name required

Website

Popular

Diskursu Nai Primeiru Ministru dr. Rui Maria de Araujo nia iha Komemorasaun Aniversariu CAC Ba Dalimak