Featured Stories

Estatementu Suporta no Solidaridade ba Komisi Pemberantasan Korupsi (KPK) Indonesia

husi

IMG_8485Dili – Hanoin natureza no dimensaun korrupsaun ne’ebé hadaet no iha impaktu multipla ba juridikasaun hotu, esforsu nobel husi ajensia anti-korrupsaun iha juridiksaun ida-idak mos kontribui ba funu global kontra korrupsaun. Ida ne’e signifika katak wainhira ajensia anti-korrupdaun ida sofre tamba nia komitmentu ba kombate korrupsaun; bolu ba atensaun, suporta no solidaridade husi juridiksaun seluk ka instituisaun konjenere sai hanesan obrigasaun ida ba luta global kontra korrupsaun.

Hare ba interese global ba kombate korrupsaun no akompanha diak seriedade, afirmasaun no meius professionalismu ba kombate korrupsaun iha Indonesia husi Komisi Pemberantasan Korupsi (KPK), CAC Timor-Leste laran triste ho sofrementu ne’ebé oras ne’e dadaun KPK infrenta.

CAC afirma ninia solidaridade unkondisional no suporta moral ne’ebé forte iha momentu   susar ne’e no fiar katak KPK ho professionalismu sei ultrapassa situasaun ida ne’e ho POLRI, autoridade kompetente, organizasaun non-governamentais no povu Republika Indonesia sei la husik dezenvolvimentu kombate korrupsaun, demokratizasaun no supremasaun lei no order ne’ebe buras to’o ohin loron atu namlaek no lakon.

Ami espera difikuldade temporaria ne’e sei la impata komitmentu ne’ebé forte ba luta kontra korrupsaun iha Indonesia no iha mundo. (*)

Dr. Adérito Tilman, Komisariu CAC

José “Sama Larua” Neves, Komisariu Adjuntu

Manuel Bucar, Komisariu Adjuntu

 

http://cac.tl/2015/02/statements-of-support-and-solidarity-with-komisi-pemberantasan-korrupsi-kpk/

Post ida ne'e mos Avalia iha: English

Previous postStatements of Support and Solidarity with Komisi Pemberantasan Korrupsi (KPK) Next postCAC Komemora Aniversario Ba Dalimak

What do you think?

Name required

Website

Popular

Estatementu Suporta no Solidaridade ba Komisi Pemberantasan Korupsi (KPK) Indonesia