Featured Stories

PM Rui Maria Araujo Vizita CAC

husi

IMG_2611Dili – Ohin, Sesta-feira (27/2) dadersan Nai Primeiru Ministro, Rui Maria Araujo akompanha husi Ministro de Estado, Coordenador dos Assuntos Administrativos e Ministro da Administração Interna, Dionisio Babo Soares halao mai vizita edifisiu  Comissão Anti-Corrupção (CAC) hodi hare’e ho matan kondisaun servisu Komisaun nian durante ne’e.

Komisariu Dr. Adérito Tilman akompanha husi Komisariu Adjuntu nain rua José “Sama Larua” Neves, Manuel Bucar, Sekretariu Ezekutivu Alexandre Freitas no servisu nain Komisaun nian tomak simu Chefe governu ne’e ho laran haksolok.

Durante vizita iha oras balun nia laran PM Rui ho Ministru Dionisio Babo halo sorumutu konfidensial ho Senior Management Komisaun nian iha Salaun Enkountru CAC nian .

Komisariu Adjuntu José “Sama Larua” Neves lori Komisaun nia naran apresia no agradese inisiativa Chefe VI Governu Konstitusional nian mai vizita Komisaun nian hodi hare’e rasik ho matan no husu atu kontinua tau matan ba Komisaun nia difikuldades, obstakulu no dezafiu iha futuru.

“Inisiativa Senhor Primeiru Ministro mai vizita Komisaun bele artipula esforsu prevene no kombate korrupsaun ne’e iha Estado tomak tamba prevene no kombate korrupsaun laos CAC mesak deit. Agradese no apresia ba Nai Primeiru MInistru nia vizita no nia bele hare’e rasik ho matan sa difikuldades ho dezafius  mak Komisaun infrenta,” katak Komisariu Adjuntu Neves.

Ida ne’e vizita ba Dahuluk halo husi Chefe Ezekutivu dr. Rui Maria Araujo mai edifisiu Komisaun nian iha Farol hafoin nia simu posse iha loron 16 Fulan Fevereiru liu ba iha Palacio Nobre Lahane Dili.

“Prevene no kombate korrupsaun laos kompetensia CAC nian deit maibe obrigasaun governo mos iha komprimitidu ho papel sagradu ida ne’e. Hau nia prezensa loron ohin nia iha ne’e (Komisaun) atu intende diak liu tan servisu Komisaun nian, prosedimentu ne’ebé CAC iha, dezafius no difikuldades ne’ebé sira infrenta. Mai mos atu manifesta governo ninia apresiasaun ho apoiu ba CAC nia servisu,” Katak Nai Primeiru Ministro Rui Araujo.

Komisaun oras ne’e dadaun iha servisu nain hamutuk 64; investigador nain 15, administrasaun nain 19, prevensaun nain 7, edukasaun no peskiza nain 8, motorista nain 7, KOmisariu no Komisariu Adjuntu nain 3, Cleaner nain 4, Asesor nasional nain 1, asesor internasional nain 1 no aponta professional nain 1. (*)

Post ida ne'e mos Avalia iha: English

Previous postKomisariu Adjuntu Comissão Anti-Corrupção (CAC) José “Sama Larua” Neves ohin Tersa-feira (24/2) dadersan lidera sorumutu preliminary ida atu estabelese grupu trabalhu ba implementasaun United Nations Convention Against Corruption (UNCAC) nia iha edifisiu CAC Farol, Dili. Sorumutu ne’e koalia kona-ba termus referensia, planu asaun ne’ebé delegasaun fokal point husi instituisaun governu, judisiariu, Sosiedade Civil no reprezentante Prezidenti Republika mak halo parte iha grupu trabalho ne’e. Next postSenior Management CAC Halo Audiensia Kortejia Ho Nai Prezidenti Republika TMR

What do you think?

Name required

Website

Popular

PM Rui Maria Araujo Vizita CAC