Featured Stories

CAC Eduka Funsionariu Públiku Ho Empresario Lokal Iha Gleno

husi

IMG_4610Gleno – Comissão Anti-Corrupção (CAC) kontinua eduka seitor privadu no públiku liu husi workshop loron ida iha Salaun Munisipiu Ermera, Gleno ho topiku “Prevensaun Korrupsaun liu husi jestaun rekursu Esadu nian iha munisipiu” loron Kuarta-feira (6/5) ohin. Orador principal iha worskshop loron ida ne’e mak Komisariu CAC Dr. Adérito Pinto Tilman ne’ebé akompanha husi Komisariu Adjuntu CAC Manuel Bucar Corte Real no Sekretariu Munisipiu Ermera Danilo Maldini Babo.

Objetivu husi husi workshop ne’e atu promove governasaun diak iha transparansia, responsabilidade no kredivel atu haforsa kultura rejensaun korrupsaun hodi asegura Estadu Timor-Leste ida ne’ebé bazeia demokrasia, soberanu, ukun-an no ida mesak, harii husi povu nia hakarak no iha respeitu ba dignidade ema moris ida-idak nian.

Komisariu Adérito koalia ba partisipante sira katak dala barak funsionariu publiku komete aktu krimi korrupsaun maibe la hatene aktu nebe funsionariu ida halo konstitui hanesan krimi korrupsaun. “Tamba ne’e, CAC nia prezensa iha fatin-fatin iha Timor laran tomak atu fo hanoin ba seitor publiku nune’e mos seitor privadu sira atu hadok aan husi krimi korrupsaun,” katak Komisariu Tilman.

Workshop ne’e mos bolu atensaun atu minimiza risku no pratika mal-jestaun iha seitór públiku ho seitor privadu hodi atinji objetivu dezenvolvimentu iha munisipiu idak-idak ho responsabilidade, obrigasaun legal no moral ba promove integridade, transparensia no responsabilizasaun iha sira nia servisu fatin.

Sekretariu Munisipiu Ermera hateten workshop nee importante ba seitor publiku ho privadu iha Ermera atu bele hasees aan husi pratika korrupsaun. “CAC ohin mai iha ita nia leet atu fo hanoin ba ita atu maneija no utiliza rekursu Estadu ho prudente-honestu hodi benefisia povu munisipiu Ermera” Katak Danilo Maldini Babo.

Sentidu husi workshop ne’e mak atu enkoraja partisipante sira hodi asegura jestaun internal administrasaun públika no organizasaun empresarial nian hodi fortifika kontrolu ba iha utilizasaun rekursu sirak ne’ebé mak partense ba iha munisipiu atu nune’e bele produz rezultadu positive no benefisia ba povu Timor-Leste tomak.

Partisipa iha workshop ne’e mak Sekretariu Munisipiu, directores, chefe departamentu husi ministeriais no membru CCI-TL munisipiu nian kuaze hamutuk nain 100. (*)

Post ida ne'e mos Avalia iha: English

Previous postDelegasaun CAC Halao Vizita Offisial Ba CCAC Makau No Hong Kong Next postEis Reprezentante Spesial Sekretariu Jeral Nasaun Unidas no Adjuntu Reprezentante Spesial Sekretariu Jeral Nasaun Unidas mai Timor Leste Professor Sukehiro Hasegawa, Ph.D halao vizita kortejia ida mai Comissão Anti-Corruppção (CAC) iha nia kapasidade nudar Goodwill Ambassador mai Timor-Leste. Professor Sukehiro Hasegawa, Ph.D simu husi Komisariu Adjuntu José “Sama Larua” Neves no akompanha husi Advisor Nasional CAC Jonas GUterres iha CAC learning Centre ohin loron Kinta-feira (21/5).

What do you think?

Name required

Website

Popular

CAC Eduka Funsionariu Públiku Ho Empresario Lokal Iha Gleno