Featured Stories

UNODC Halao Treinamentu Anti-Money Laundering Ba CAC No PSIC Timor-Leste

husi

IMG_6067Dili – United Nations Office on Drugs and Crime (UNODC) fasilita treinamentu loron tolu iha Anti-Money Laundering nian ba investogadors ho servisu nain prevensaun Comissão Anti-Corrupção (CAC) no Polisia Scientifiku Timor-Leste (PSIC) iha otel Beach Garden Dili.

Komisariu Adjuntu CAC, Manuel Bucar espresa nia gratidaun ba UNODC hodi halao treinamentu ida ne’e ho intensaun atu fortifika instituisaun law enforcement nia iha Timor-Leste atu luta kombate korrupsaun no atividades fase osan – money laundering iha nasaun ne’e.

“Treinamentu ida ne’e importante no fundamentu tebes mai CAC no servisu nain Polisia Scienfiku nune’e imi hotu bele estuda no kompriende liu tan kona-ba fase osan. Ita iha matenek nain ida husi UNODC no orador principal sira ne’ebé sei fahe informasaun ba imi liu tan kona-ba asuntu ne’e,” katak Komisariu Adjuntu Bucar.

Reprezentante UNODC, Susanne Dahk hateten objetivu prezensa UNOFC nia iha Timor-Leste atu suporta servisu CAC nian no oferese kapasitasaun ba investigador CAC nian nune’e mos atu suporta ajensia law enforcement sira hanesan PDHJ, PSIC, FiU no seluk-seluk tan.

Orador principal iha treinamentu ne’e mak K. Raghavan husi UNODC iha Jakarta, Diretora FiU Maria Sarmento no Juiz Jacinta Pereira. (*)

Post ida ne'e mos Avalia iha: English

Previous postOhin, Kuarta-feira (10/6) Senior Management Comissão Anti-Corrupção (CAC) lidera husi Komisariu Dr. Adérito Pinto Tilman simu reprezentante The Asia Foundation, Sr. Dicky Doordi – Assesment Team Leader, Sr. Hugo Fernandes- Director for Policy and Institutional Strenthening, no Sr. Ethan Paul- Electoral Enviroment Research iha edifisiu CAC Farol Dili. Objetivu husi reprezentante The Asia Foundation nian atu hetan CAC nian perspetiva kona-ba ambiente eleisaun oras ne’e, lakunas no oportunidades atu kombate korrupsaun. Sorumutu ne’e mos dadalia kona-ba posibilidade kooperasaun institusional entre CAC ho The Asia Foundation iha area peskiza no social audit. Next postDelegasaun Solomon Islands Vizita Timor-Leste

What do you think?

Name required

Website

Popular

UNODC Halao Treinamentu Anti-Money Laundering Ba CAC No PSIC Timor-Leste