Featured Stories

Delegasaun Solomon Islands Vizita Timor-Leste

husi

IMG_6529Dili –Senior Management Comissão Anti-Corrupção (CAC) lidera husi Komisariu Dr. Adérito Antonio Pinto Tilman simu vizita kortezia delegasaun husi nasaun belun Solomon Islands hamutuk nain ne’en (6) mai Timor-Leste nudar Study Tour ida iha loron Sesta-feira (10/7) ohin iha edifisiu CAC Farol Dili.

Objetivu husi vizita ne’e, atu estuda TL nia esperiensia no perspetiva iha esforsu prevene no kombate korrupsaun nune’e  bele fo espasu ba sira hodi prepara aan harii rasik sira nian instituisaun anti-korrupsaun iha futuru.

Komisariu Adérito Tilman sente orgulhu no apresia ba vizita kortezia ne’e no espera delegasaun bele hetan informasaun diak husi esperiensia iha esfrosu prevene no kombate korrupsaun TL nian nudar bukae ba membrus delegasaun sira atu bele implementa iha sira nian rai.

“CAC sente orgulhu tebes ba vizita trabalhu loron ohin hodi fahe esperiensia luta kontra korrupsaun iha TL. Espera esperiensia ne’ebé loron ohin delegasaun hetan bele kontribui ba esforsu prevene no kombate korrupsaun, no estabelesimentu Komisaun Anti Korrupsaun iha Ilha Salomon,” katak Komisariu Tilman.

Programa ida ne’e finansia husi UNODC ho delegasaun husi Solomon Islands; Mr. Moses Saitala, Mr. Francis Luza, Mr. Joe Poraiwai, Mr. John Kouni, Mr Derek Futaias no reprezentante UNODC Annika Whytes sei iha Dili durante rua mai vizita CAC no instituisaun governu sira hanesan PDHJ, CNE no edifisiu Prokurador Jeral. (*)

Post ida ne'e mos Avalia iha: English

Previous postUNODC Halao Treinamentu Anti-Money Laundering Ba CAC No PSIC Timor-Leste Next postDiskursu Komisariu CAC, Dr. Adérito Pinto Iha okiziaun Vizita Trabalhu husi Delegasaun Solomon Islands

What do you think?

Name required

Website

Popular

Delegasaun Solomon Islands Vizita Timor-Leste