Featured Stories

Diskursu Komisariu CAC, Dr. Adérito Pinto Iha okiziaun Vizita Trabalhu husi Delegasaun Solomon Islands

husi

IMG_1781Diskursu Komisariu CAC, Dr. Adérito Pinto

Iha okiziaun Vizita Trabalhu husi

Delegasaun Solomon Islands kona-ba

“Sharing The Experience and lessons Learned of Fighting Corruption: Timor-Leste’s Perspective”

8 Julu 2015

Ekselentíssmu Senhor Provedor Provedoria Solomon Islands, Sr. Joe Poraiwai

Ekselentíssimu Senhor Chairman Komisaun Kodigu Lideransa (Leadership Code Commission) Sr. Francis Luza

Excelentíssimu Senhores no senhoras delegasaun husi Solomon Islands

Ekseletíssimu Komisariu Adjuntus CAC no Diretores CAC

Hodi Commissão Anti-Corrupção (CAC) nia naran, ho fuan nakloke hau hato’o benvindo ba Ekselentissimu Senhores no Senhoras Delegasaun Solomon Islands ne’ebé mai halo visita trabalhu hodi hare esperensia luta kontra korrupsaun iha Timor-Leste.

Ho dezenvolvimentu teknolojia no ekonomia iha era globalizasaun mundu loron ohin, korrupsaun sai problema global ne’ebé hamosu disturbansia ba dezenvolvimentu ekonomia no sai preokupasaun bo’ot ba paiz hotu-hotu. Korrupsaun mak inimigu ba dezenvolvimentu hodi hamosu problema ekonomia no social oin-oin, kria injustisa no desigualidade ba vida sidadaun sira nian no hamoris krime seluk.

Problema korrupsaun sai hanesan problema global. Maibe solusaun ba korrupsaun tenke baseia ba kontestu legal, institusional, socio-cultural iha rai ida-idak nian. Tamba ne’e, Comissão Anti-Corrupção (CAC) sente orgulho tebes ba vizita trabalhu loron ohin hodi fahe esperensia luta kontra korrupsaun iha Timor-Leste. Hein katak esperensia no lesson learned kombate korrupsaun iha Timor-Leste bele kontribui ba esforsu prevene no kombate korrupsaun no estabelesimentu Komisaun Independente Anti-Korrupsaun Solomon Islands.

Nasaun Timor-Leste no Solomon Islands iha natureza no character  barak ne’ebé hanesan por exemplo iha area socio-cultura, politika no Timor-Leste no Solomon Islands mós tama iha Small Islands States. Tamba ne’e Commissão Anti-Corrupção (CAC) apresia tebes ho esforsu no seriedade Solomon Islands atu establese Komisaun Anti-Korrupsaun ne’ebe independente no autonomo.

Excelentíssimu Senhores no Senhoras,

Commissão Anti-Corrupção (CAC), instituisaun ne’ebe sei nurak no foin kompleta ninia esistensia ba tinan Lima (5), maibé esforsu, dedikasaun no progressu ne’ebe Commissão ne’e atinji hodi ultrapasa sasidik no desafius lubuk ne’ebe hasoru, hatudu seriedade no vontade diak atu prevene no kombate korrupsaun iha kontestu konstrusaun Estadu Timor-Leste.

Comissão Anti-Corrupção (CAC) estabelese hodi responde ba necesidade Reformasaun Administrasaun husi 5o (Kinto) Governo ne’ebé lidera husi Eis Primeiru Ministru Xanana Gusmão. Commissão Anti-Corrupção moris ho lei Parlamentu No. 8/2009 ne’ebe atribui nia misaun mak halo asaun prevensaun no investigasaun kriminal ba krime korrupsaun iha forma oin-oin hanesan define iha Kodigu Penal Timor-Leste.

Commissão Anti-Corrupção (CAC) simu kbi’it nudar orgaun polisia kriminal espesializada, ne’ebe independente ho pesoa koletiva ida ne’ebe iha direitu públiku, haknaar ho personalidade juridika ho independensia teknika no autonomia administrativa no finanseira.

Iha servisu investigasaun criminal Commissão Anti-Corrupção (CAC) sub-tutela ba Ministeriu Publiku ne’ebe tuir lei sai nudar nain ba asaun penal. Iha Servisu Prevensaun Criminal, Commissão Anti-Corrupção (CAC) halao nia servisu ho kolaborasaun no partisipasaun husi institusaun sira seluk hanesan Inspetor Jeral do Estadu, Provedoria Direitus Humanus no Justica, Komisaun Funsaun Publika, Seitur Privadu, Akademiku, Sociedade Civil no Governu.

Excelentíssimu Senhores no Senhoras,

Hau espera katak vizita trabalhu loron ohin nian bele fornese oportunidade diak ba delegasaun Solomon Islands atu hare no estuda kona-ba esforsu prevene no kombate korrupsaun iha Timor-Leste no bele sai bukae ba esforsu prevene no kombate korrupsaun iha Solomon Islands.

Dala ida tan, hau nia benvindo ba Ekselentisimu senhores no senhoras no deseju susesu ba diskusaun dader ne’e no mos vizita ba institusaun seluk orsida lokraik no ba ita nia esforsu luta kontra korrupsaun.

HAMUTUK ITA LUTA KONTRA KORRUPSAUN

A LUTA CONTINUA.

OBRIGADU.

Post ida ne'e mos Avalia iha: English

Previous postDelegasaun Solomon Islands Vizita Timor-Leste Next postCAC Asina MoU Ho Comissão Anti-Corrupção Malaysia (MACC)

What do you think?

Name required

Website

Popular

Diskursu Komisariu CAC, Dr. Adérito Pinto Iha okiziaun Vizita Trabalhu husi Delegasaun Solomon Islands