Featured Stories

CAC Hasoru Malu Ho Nai Ulun Primeiru Ministru

husi

IMG_8262

Dili - Comissão Anti-Corrupção (CAC) hasoru malu ho Nai Ulun Primeiru Ministru, Dr. Rui Maria de Araújo iha Palacio Governu ohin (18/9) Dili.

Objetivu husi hasoru malu ne’e atu informa servisu CAC nian iha area prevensaun, kooperasaun institusional no kapasidade Timor-Leste nudar Estadu Parte ba implementasaun Konvensaun Nasoens Unidas Kontra Korrupsaun (UNCAC).

Nai Ulun Primeiru Ministru espresa ninian komitmentu no apoiu kontinua ba iha servisu CAC nian espesialmente iha area prevensaun no sensibilizasaun iha seitor publiku no privadu, enkuadramentu juridiku no politiku no kooperasaun institusional hodi permiti efetividade funsaun CAC nian.

Komisariu Adérito Pinto Tilman mos aprezenta dokumentu importante balun ba Nai Ulun Primeiru Ministru hanesan esbosu Lei Anti-Korrupsaun, Sumariu Ezekutivu Auto-Avaliasaun TL ba Kapítulu III – Kriminalizasaun no Aplikasaun Lei no Kapítulu IV Kooperasaun Internasional UNCAC nian, no Kommunike Inisiativa Anti-Korrupsaun iha Nasaun Ilhas Kiik sira ne’ebé Timor-Leste ativamente halo parte.

Ekipa CAC lidera husi Komisariu Adérito Tilman, akompanha ho Komissáriu Adjuntu ba asuntu Prevensaun no Sensibilizasaun, José “Sama Larua” Neves, Komisariu Adjuntu ba asuntu Apoiu Tekniku no Kooperasaun Manuel Bucar Corte Real no Konsultor ba UNCAC no Kooperasaun Institusional no Internasional, Sr. Jonas Guterres. (*)

 

Post ida ne'e mos Avalia iha: English

Previous postCAC Kontinua Sensibiliza Jerente Senior Estadu Next postSenior Management CAC Hasoru Malu Ho Nai Ulun Prezidenti PN

What do you think?

Name required

Website

Popular

CAC Hasoru Malu Ho Nai Ulun Primeiru Ministru