Featured Stories

CAC Kontinua Sensibiliza Jerente Senior Estadu

husi

IMG_8214Dili – Comissão Anti-Corrupção (CAC) kontinua sensibiliza jerente senior Estadu sira hanesan iha linhas ministeriais liu husi seminariu ho tipu Diskusaun Meja Redonda loron rua (9-10/9) ne’ebé atu jere projeitus Estadu nian ho lolos no transparante iha Salaun Apuramentu Nasional Comissão Nasional das Eleiçoes (CNE) Colmera, horseik Kuarta-feira (9/9). Diskusaun Meja Redonda loron rua (9-10/9) ho topiku “Meilloramentu servisu aprovizionamentu iha ambitu rejime no prosedimentu nian” ne’e ofisialmente husi KOmisariu CAC Dr. Adérito Pinto Tilman.

Objetivu husi husi workshop loron rua ne’e atu promove servisu aprovizionamentu ida moos, transparent, kredibel no diagnosa klean ba dezafius no obstakulus iha implementasaun prosedimentu aprovizionamentu iha linhas ministeriu. Rezultadu husi workshops ne’e bele fornese asuntu importante balun kona-ba risku korrupsaun hodi rekomenda ba entidade relevantes atu bele foti medida preventive ba sistema implementasaun aprovizionamentu iha future.

“Workshop loron rua ne’e hanesan esforsu prevensaun korrupsaun ida iha seitor publiku liu-liu aprovizionamentu no finansas ne’ebé sai nudar kriteria importante ida atu determina kualidade dezenvolvimentu projeitu fiziku tuir mehi Planu Dezenvolvimentu Nasional 2011- 2030” katak Komisariu CAC Dr. Adérito Pinto Tilman iha nia intervensaun.

Servisu prevensaun CAC nian katak Komisariu Tilman durante ne’e identifika sei kontinua mosu lakunas balun iha prosesu ajudikasaun nian laran, tantu iha nivel nasional no mos munisipius hodi kontribui ba kualidade rezultadu dezenvolvimentu infra-estrutura baziku sira iha teritoriu TL tomak.

Komisariu Tilman ne’ebé akompanha husi Komisariu Adjuntu Nain rua José “Sama Larua” Neves no Manuel Bucar akresenta liu tan katak “CAC mos halao ona atividade konjunta lubuk ho instituisaun relevante sira; Comissão Nasional Aprovizionamentu (CNA), Ajensia Dezenvolvimentu Nasional (ADN), Ministeriu Obras Publika, Ministeriu Finansas, IGE, CFP no seluk tan oinsa atu hadia servisu administrasaun no teknika nian hodi bele implementa servisu ho diak hodi la viola prosedimentu legal sira ne’eé vigora”.

“Ho hanoin hirak ne’e, CAC ohin loron konvida instituisaun ka ajensia relevante sirak ne’ebé assume diretamente responsabilidade iha dezenvolvimentu nasional nian atu mai troka ideas, debate no halo diskusaun konstrutivu kona-ba papel importante, dezafius no obstakulu ne’ebé ita infrenta,” Katak Komisariu Tilman.

Rezultadu husi diskusaun meza redonda ida ne’e, sei tulun CAC atu servisu hamutuk ho instituisaun relevante hodi dezenvolve medidas preventivas anti-korrupsaun nesesariu hodi hadia sistema implementasaun aprovizionamentu ne’ebé transparente, responsabel, no kredibel hodi haforsa kultura rejensaun korrupsaun iha prosesu aprovizionamentu hodi atinji objetivu Planu Dezenvolvimentu Nasional.

Sentidu husi Diskusaun Meja Redonda ne’e mak atu enkoraja partispantes sira hodi asegura jestaun internal hodi fortifika sistema implementasaun aprovizionamentu nian no produz rezultadu positive nune’e bele fo benefisia ba povu Timor-Leste tomak.

Orador ba loron dahuluk nian aprezenta Director Jeral CNA Aniceto do Rosario, Direitur Jeral ADN Samuel Marcal no Deputadu Paulino Monteiro ne’ebé modera husi Komisariu Adjuntu CAC José “Sama Larua” Neves. Orador ba loron Daruak ohin nian mak Direitor EPCC Eng. Rui Hernani Guterres no Direitor Nasional Pagamentu MF Rui Ferreira Magno.

Partisipa iha workshop ne’e mak Diretor Jeral, Diretor Nasional servisu nain aprovizionamentu no finansas nian iha linhas ministeriais hamutuk nain 50.Workshop ne’e no sei kontinua iha loron Kinta-feira (10/9) ohin. (*)

Post ida ne'e mos Avalia iha: English

Previous postCAC Asina MoU Ho Comissão Anti-Corrupção Malaysia (MACC) Next postCAC Hasoru Malu Ho Nai Ulun Primeiru Ministru

What do you think?

Name required

Website

Popular

CAC Kontinua Sensibiliza Jerente Senior Estadu