Featured Stories

Senior Management CAC Hasoru Malu Ho Nai Ulun Prezidenti PN

husi

400A8284Dili – Senior Management Comissão Anti Corrupção (CAC) hasoru malu ho Nai Ulun Prezidenti Parlamentu Nasional (PN) Vicenti Guterres iha loron Kinta-feira (1/10) iha Salaun Sorumutu Prezidenti PN Dili.

Objetivu husi sorumutu ida ne’e atu informa servisu CAC nian iha area prevensaun, kooperasaun institusional no internasional no Timor-Leste nian obidensia nudar estadu parte ba iha implementasaun Konvensaun Nasoens Unidas Kontra Korrupsaun (UNCAC) no papel ativu Timor-Leste nian iha Inisiativa Anti-Korrupsaun estadu Ilhas Kiik sira.

CAC mos aprezenta draftu lei anti-korrupsaun ba Nai Ulun Prezidenti PN. Nai Ulun PN hateten lei anti-korrupsaun hanesan lejislasaun prioridade ne’ebé sei tau iha meja plenaria PN atu deskuti molok ba eleisaun tuir mai.

Alem ida ne’e, Nai Ulun PN Guterres elojia servisu CAC nian durante ne’e no sujere atu koloka maior enfaze ba iha asuntu prevensaun no kolaborasaun institusional entre instituisaun publiku sira iha esforsu prevene no kombate korrupsaun.

Ekipa CAC lidera husi Komisariu Dr. Adérito Pinto Tilman, akompanha husi KOmisariu Adjuntu ba Asuntu Prevensaun no Sensibilizasaun Publiku José “Sama Larua” Neves, Komisariu Adjuntu ba Asuntu Apou Tekniku no Kooperasaun Manuel Bucar Corte Real no Adviser ba UNCAC no Kooperasaun Internasional no Institusional Jonas Guterres. (*)

Post ida ne'e mos Avalia iha: English

Previous postCAC Hasoru Malu Ho Nai Ulun Primeiru Ministru Next postCAC Realiza Visita Trabalho Ho Nai Bispo Dom Basílio do Nascimento

What do you think?

Name required

Website

Popular

Senior Management CAC Hasoru Malu Ho Nai Ulun Prezidenti PN