Featured Stories

CAC Detekta Areas Risku Ba Korrupsaun Iha Instituisaun Governu Iha Tinan 2016

husi

400A7978Dili – Iha tinan 2016, Comissão Anti-Corrupção (CAC) halao investigasaun ba kazu korrupsaun lubun balun no detekta mos servisu publiku nian ne’ebé sai risku hamosu korrupsaun. Areas hirak ne’e mak aprovisionamentu, kontrolu internu, kontrolu kualidade no jestaun financas relasiona ho pagamentu ba taxa no multa sira.

CAC nia deteksaun hatudu, kazu krime korrupsaun mosu iha area servisu publiku sira ne’e tamba funsionariu no parseiru sira aproveita situasaun hodi buka benefisiu ba ninian an no ba ema seluk nian interese.

Area risku boot liu hamosu krime mak aprovisionamentu ne’ebé projeitu laos kateoria emerjensia maibe bazeia avaliasaun subjectivu konsidera nudar projeitu emerjensia. Aplika tipu adjudikasaun directa ba kompanha ne’ebé la iha espesialidade ba tipu servisu ne’ebé mak projeitu ida ejiji.

Rezultadu investigasaun tinan 2016 mos detekta kotasaun ba adjudikasaun direkta la involve official aprovisionamentu, fo projeitu ba kompanhia estranjeiru sira ne’ebé mak la iha licensa operasaun iha TL, la iha sertifikadu ISO, hamosu projeitu foun la ho koordenasaun diak no superior sira intervein directa ba iha prosesu avaliasaun dokumentus kompanhia.

Komisaun detekta area kontrolu interna halo parte mos iha krimi korrupsaun tamba halo relatoriu implementasaun programa no atividades ne’ebé la refleta realidade iha terenu; La iha kumprementu ba ordem de servisu no ordem licenca mediku nian; Dadus funsionariu iha Ministeriu balun dobru nune’e funsionariu balun bele simu salariu dala rua iha kada fulan; Director ou chefe sira asume kargu barak (director, tesoreiru no logistika); Ezekusaun orsamentu ba misaun diplomatiku iha estrangeiru la integradu (pakote) hodi nune’e fo oportunidade ba kada Ministeriu ne’ebé mak ninian reprezentante iha rai liur utiliza osan la ho kontrolu ne’ebé maximu; Utiliza osan la tuir nesesidade servisu ne’ebé mak ezisti; Falsifika recivu pagamentu; Utilizasaun senha kombustivel governu ba interese privadu no Laiha avaliasaunn regular ba priensementu formulariu, fischa, no trip ticket ba kontrolu utilizasaun sasan no ekipamentu estadu nian.

Iha area kontrolu kualidade (quality control) nian mosu krimi korrupsaun tamba Implementasaun projeitu la tuir BoQ no dejeinu maibe kompanhia hetan pagamentu 100%; Kompanhia la kumpri termo de contrato maibe bele hetan pagamentu 100%; La iha verifikasaun (triagen) ba dadus veteranu sira hodi rezulta ema simu osan estadu la tuir ninia tempu partisipasatun iha luta libertasaun nasional; Superior sira iha linha miniteriais halo aprovasaun ba proposta projeitu sira sem halo verifikasaun ba iha terenu; Projeitu formasaun balun la iha estudu viabilidade hodi justifika rasiosinu husi projeitu ne’e rasik; Fornesimentu ba ekipamentus sira ne’ebé mak la kompatibel ho nesesidade servisu nian; Ekipamentus pejadu balun sosa tiha maibe la utiliza tamba ninian teknologia la adapta tuir nesesidade servisu nian no laiha harmonizasaun ba padraun Prosedimentu Operasional ba kontrolu kualidade nian (Standard Operational Procedures).

Iha area jestaun financas ne’ebé mak relasiona ho pagamentu ba taxa no multa sira mosu krimi korrupsaun tamba selu diretamente ba diresaun tutela; La iha konta bankaria; Konta bankaria balun iha maibe kontrola husi Director/Chefe sira; Konta bankaria la iha ligasaun ho kofre estadu; Numeru kliente la atualizadu (up-date); Laiha baze de dadus ba kliente sira ne’ebé mak selu regularmente no la iha recivu pagamentu nian.

Grafiku 6: Numeru kazu nebe mak akontese iha kada area servisu nian

grafik1

Post ida ne'e mos Avalia iha: English

Previous postREKAPITULASAUN PROSESU IHA TINAN 2015 Next postCAC Halao Sensibilizasaun Iha Eskolas Iha Capital Dili

What do you think?

Name required

Website

Popular

CAC Detekta Areas Risku Ba Korrupsaun Iha Instituisaun Governu Iha Tinan 2016