Featured Stories

CAC-MCIA Realiza Debate Loron Ida Kona-ba Rezultadu Peskiza Fundus Subvensaun Públika

husi

400A2759Dili – Komisariu Comissão Anti-Corrupção (CAC) Adérito Pinto Tilman ofisialmente loke debate tematiku loron ida horseik ida (20/2) kona-ba rezultadu peskiza halao husi CAC hamutuk ho ministro no oficials nivel aas Ministerio Comerçio Industria no Ambiente (MCIA) nian. Topiku ba diskusaun horseik mak “Estudus ba Ajudus Subvensoens Publiku Iha MCIA Tinan Fiskal 2014-2015”, peskiza ida ne’e halao husi CAC durante tinan 2016. Debate halao  iha Salaun Nobre Ministeriu Negosiu  Estranjeiru no Kooperasaun (MNEC) iha Dili.

Ministro MCIA Constançio Pinto mos halo parte iha debate ida ne’e no atende estruturas kargus chefias, Director Nasional, Inspectors, no Direitur Jeral tomak liu ema nain 40. Debate ida ne’e mos modera husi Komisariu Adjuntu CAC rua; Manuel Bucar no Rui dos Santos Pereira.

Debate focus iha rezultadu preliminariu peskiza subvensoens publiku. Objetivu husi peskiza ne’e atu fornese baseline ida atu hametin mekanismu kontrolu ba implementasaun programas uza subvensaun publika. Estudu ida ne’e ho intensaun detekta failhansu iha prosesu implementasaun programa finansiamentu públiku, oinsa fundus ida ne’e alokadus no rekomenda  ba iha Governu, solusaun posible atu solusiona problema ne’ebé identika ona. Estudu ida ne’e halo parte husi estratéjia CAC nian atu prevene no kombate korrupsaun.

Komisariu Aderito iha nian intervensaun hateten CAC liu husi Unidade Estudus no Evaliasaun Riskus halao estudu iha MCIA focus ba tinan fiscal 2014-2015, no ho projeitu ne’ebé mak aloka fundus liu $5000 ba leten. Peskiza ida ne’e halao iha loron 25 Setembro too 31 Outobro 2016 iha Munisipiu 12 inklui RAEOA-Oecusse. Pesoal CAC konsege halao intervista ba 158 benefisiarius no halo observasaun ba sira nian atividades.

Rezultadu estudus ida ne’e sei publika iha livru molok ida no ninian rekomendasaun sira sei haruka ba Konselhu Ministrus atu hadian prosedimentus balun no mos mekanizmu sosializasaun ba benefisiarius sira. CAC espera katak rezultadu peskiza kuidadozamente analizadus no adotadus husi Konselhu Ministrus.”Ita halao sorumutu ho ita boot sira iha loron ohin atu tulun ministru no Konselhu Ministros hadian prosessu adjudikasaun no rekonsidera abordagem matéria subvenções públikas”, Komisáriu afirma.

Komisáriu Adérito akresenta peskiza ida ne’e parte estratéjia CAC nian atu oinsa kontrola gastus orsamentu Estadu. Peskiza hanesan sei halao iha tempu badak nian laran iha Ministério Agrikultura no Sekretaria Estadu ba Apoiu Promosaun Socio-Ekonomiku Feto.

“CAC sei hein MCIA nian feedback kona-ba peskiza ida ne’e atu reforsa ninian kredibilidade”

Partisipantes hotu iha entusiasmadus no aktivamente partisipa iha debate horseik no partikularmente durante sessaun perguntas no respostas debate sai “manas”. Parte rua argumenta hodi aprezenta sira ninian faktus no dadus ho argumentus forte iha maneira ida konstrutiva tebes. Diskusaun ida ne’e nian objektivu atu melhora mekanizmus  ba atribuisaun subvensoens públikas ne’ebé regula ho Dekretu Governu No 1/2009.

Diretor Auditoria Interna MCIA designadu ona nudar ponto fokal atu koopera ho peskizador CAC nian atu para kompleta peskiza ezisti ona, aumenta tan pontu de vista husi MCIA nian molok haruka rezultadu ikus ba iha Konselho Ministrus. (*)

Post ida ne'e mos Avalia iha: English

Previous postTimor-Leste Partisipa Konferensia Rejional UNODC Iha Bangkok Next postUNODC Halao Treinamentu Loron Rua Kona-ba Economic and Financial Crime ba Investigador CAC

What do you think?

Name required

Website

Popular

CAC-MCIA Realiza Debate Loron Ida Kona-ba Rezultadu Peskiza Fundus Subvensaun Públika