Featured Stories

CAC Partisipa Iha Konferensia Internasional Organiza Husi PN Kona-ba Lei Anti-Korrupsaun

husi

400A2601Dili – Komisariu Comissão Anti-Corrupção (CAC) Adérito Pinto Tilman sai orador prinsipal durante debate organiza husi Parlamentu Nasional Timor-Leste ho Tema “Comprimisso Parlamento no Combate Corrupção Direotos, Liberdades E Garantias Vs Combate á Corrupção”. Komisariu Adjuntu Manuel Bucar Corte Real modera diskusaun durante eventu loron rua (2-3/2) ne’ebé halao  ihaSalaun Nobre MinisterioNegosiuEstranjeiru no Kooperasaun (MNEC) Dili.

Komisariu Adérito iha nian aprezentasaun sublinha Komisaun halo tiha ona nian kontributu ba debate ida ne’e. Iha tinan 2015, CAC submete tiha ona ba PN draftu kontribuisaun lei ida, draftu ida ne’ebé iha tiha ona gaveta Parlamento Nasional nian atu deskuti. Nia espera katak liu husi seminariu internasional loron rua ne’e, bele tulun halibur ideas no sai estimulu ba diskusaun ba lei anti-korrupsaun. Dalan ida ne’e, Komisariu espera katak diskusaun iha parlamentu bele hahu.

Komisariu Tilman esplika ba partisipantes katak draftu lei aprezenta husi Komisaun inklui ona systema komprehensivu ida kona-ba deklarasaun rikusoi ba servidor publiku sira (versaun 6 Julho 2015 –  Kapitulu IV artigus31º-41º ).

Iha lei No. 7/2007, katak Komisariu aplika deit ba membru governu, deputadu sira iha PN atu deklara sira nian rikusoi, laos funsionariu publiku sira. Kontribuisaun CAC nian iha Lei Anti-Korrupsaun (LAK) inklu mais ampla iha asuntus ba iha rejime deklarasaun rikusoi

Iha biban ne’e, Komisariu Tilman husu ba lejislador sira atu deskuti no aprova lei anti korrupsaun ho kuidadozu konsidera mos ba rejime rekoperasaun assets ne’ebé inklui iha proposta Komisaun nian.

“Korrupsaun laos deit kona-ba lori naokten sira ba iha komarka. Ita tenki mos oinsa atu konjelar sira nian rikusoi no rekopera fila fali assets (Estado) sira. Se lae, naokten sira ba iha kadeia, maibe sira nian rikusoi sei iha ba sira atu uza hafoin sira servi sira nian termu sentensa iha komarka,” katakKomisariu Adérito Tilman.

Komisariu Tilman agradese ba PN ne’ebé hatudu ona boa vontade politika ida forte atu deskuti lei anti-korrupsaun, maske iha ona mandatu nian rohan. Lei anti korrupsaun sei sai meius diak ida atu kompleta lei kodeku penal Timor-Leste nian.

“Kuandu Parlamentu Nasional aprova lei ida ne’e, la iha tan ema (korruptor) ida mak atu eskapa husi responsabilidade kriminal ida ne’e,” Komisariu salient. (*)

Post ida ne'e mos Avalia iha: English

Previous postCAC Halao Sensibilizasaun Iha Eskolas Iha Capital Dili Next postTimor-Leste Partisipa Konferensia Rejional UNODC Iha Bangkok

What do you think?

Name required

Website

Popular

CAC Partisipa Iha Konferensia Internasional Organiza Husi PN Kona-ba Lei Anti-Korrupsaun