Featured Stories

Rezultadu Monitorizasaun Kampanha Prezidensial, FP Balun Viola Lei

husi

400A3077Dili – Iha loron Kuarta-feira (5/4) Comissão Anti Corrupção (CAC) revela relatoriu monitorizasaun ba movimentu veiklu Estado durante tempu kampanha eleisaun Prezidensial 2017. Rezultadu monitorizasaun durante loron 15 (3-17/3) iha 12 munipius eksklui Rejional Autonoma Espesial Oecusse Ambeno (RAEOA) ne’e iha indikasaun forte Funsionariu Públiku (FP) balun viola lei hodi uza veiklu Estadu ba tuir kampanha eleitoral.

Durante kampanha eleisaun prezidensial, FP balun uza patrimoniu Estadu la tuir prinsipius jestaun diak, iha indikasaun ba mal-pratika no viola lei. Komisaun halo ona prosesu emitasaun rekomendasaun no investigasaun kriminal tuir kompetensia servisu Komisaun nian ne’ebé temi iha Lei Nú. 8/2009 artigu 5 ba funsionariu ministeriu sirak ne’ebé  durante kampanha prezidensial uza veiklu Estado nian ba apoiu kampanha eleitoral ba sira nian interese privadu no laos ba interese Estado nian tuir lei haruka.

Total kareta Estadu nian ne’ebé FP sira uza ba partisipa iha kampanha eleisaun prezidensial hamutuk walu rua (2) ba kandidatura Nú. 2 no Nú. 8 motorizadas 14 iha munisipiu Liquiça, Ermera, Bobonaro, Manatuto no Dili. Tipu infrasaun sira komete mak uza kareta no motorizadas Estado ba tula apoiantes hodi partisipa iha kampanha no konviu haleu vila. Ekipa mos halo monitorizasaun ba kandidatura Nú. 1, 3, 4, 5, 6, no 7 maibe la halo konkluzaun ba kandidaturas sirak ne’e tamba ekipa la hetan involvimentu funsionariu durante kampanha.

Komisaun  halo mos monitorizasaun no inspeksaun ba iha Ministeriu Solidaridade e Sosial (MSS), Ministeriu Agrikultura e Peskas (MAP) no Ministeriu Edukasaun (ME) nudar meius preventivu iha utilizasaun veiklu Estado. Komisaun hetan indikasaun forte iha Postu-Administrativu Atauro Munisipiu Dili durante kampanha profesores no mediku sira abandona sira nian knar iha oras servisu ba tuir kampanha no sai ekipa susesu ba kandidatura Nú. 2.

“Komisaun konsidera uza sala sasan Estado nudar hahalok ida ne’ebé kontra Dekretu lei Nú. 8/2008 kona-ba atribuisaun uzu veiklu no Kodigu Penal Timor-Leste (KPTL) artigu 296 Pekulatu Uzu no sei halo prosesu kriminal hasoru funsionariu irresponsabilidade sira,”.

Komisaun apresia no elojia ba progresu diak ne’ebé FP hatudu iha kampanha eleisaun prezidensial tinan 2017 nian tamba numeru partisipasaun ba involvimentu funsionariu sira ne’ebé utiliza veiklu Estado menus ona kompara ho periodu hirak liu ba. (*)

Post ida ne'e mos Avalia iha: English

Previous postCAC Rekruta Asesor Nasional Nain Rua Next postMinisteriu Hotu La Iha Ida Moos, Kuaze Komete Mal-Administrasaun

What do you think?

Name required

Website

Popular

Rezultadu Monitorizasaun Kampanha Prezidensial, FP Balun Viola Lei