Featured Stories

Senior Management CAC Aprezenta Relatoriu Annual 2016 nian ba PN

husi

400A4020Dili – Senior Management Comissão Anti Corrupção (CAC) kompostu husi Komisariu Adérito Pinto Tilman akompanha husi Komisariu Adjuntu nain rua Manuel Bucar, Rui dos Santos no direitor sira iha loron Tersa-feira (25/4) loraik ba hatoo pareser relatoriu servisu Komisaun nian durante tinan 2016 iha Uma Fukun Parlamentu Nasional (PN).

Tuir lei No. 8/2009, loron 15 fulan-Jullu, Komisaun nian obriasaun hato’o relatóriu anuál anualmente ba PN no ida ne’e ba dahitu ona hafoin aprovasaun Rejime ba Estrututra Orgánika no Rejime Karreira Espesialista Anti-Korrupsaun (EAK) nian hetan aprovasaun husi Konselhu Ministru iha tinan 2015. Komisaun mos halo ona nomeasaun EAK ba kargu ne’ebé hetan omologasaun hosi CFP.

Komisariu Tilman hateten tinan-2016, CAC kontinua tau konsiderasaun a’as hodi implementa prosedimentu legál sirak ba servisu Komisaun nian hodi garante orientasaun servisu, meiu atuasaun, persepsaun únika, kooperasaun definitiva no produz rezultadu adekuadu.

“Mesmu nune’e, Komisaun sei infrenta preokupasaun balun tanba fasilidade ekipamentu sirak seidauk adekuadu ba krime sofistikadu sirak ne’ebé mosu hosi sirkulasaun sasán, osan, ema, komunikasaun iha rai laran no ultrapasa fronteirisa. Meiu sirak ne’e, seidauk bele garante servisu sirak ne’e hosi Estadu ka Governu no mós sosiadade tomak ba polítika prevene no kombate korrupsaun,”.

Komisariu Tilman relata ba Nai Deputadus sira Komisaun nian prioridades hat (4) bazeia ba Planu Estratéjika CAC 2012-2020; fortalesimentu kapasidade institusionál no kooperasaun CAC, deskobre no hakotu rede no prátika korrupsaun no krime koneksu sirak, fortalesimentu integridade iha setór públiku no privadu no partisipasaun ativa sidadaun, asosiasaun, sosiedade sivil no setór edukasionál, formál no la-formál iha papel prevensaun.

Iha tinan 2016 katak Komisariu Tilman Diresaun Investigasaun Kriminal konsege finaliza kazu hamutuk 29 hodi haruka ona ba iha Ministeriu Públiku. Kazu hitu (7) mak oras ne’e iha MP halo ona akuzasaun a aruido sira, kazu hat (4) arkivu no kazu tolu (3) seluk pendenti hodi kontinua ninian prosesu iha tinan 2017.

Iha tinan 2016, Komisaun mos identifíka área servisu públiku ne’ebé mak sai risku hodi fó oportunidade ba hamosu aktu korrupsaun mak hanesan área aprovisionamentu, kontrolu internu, kontrolu kualidade no jestaun finanseira relasiona ho pagamentu ba taxa no multa sirak.

Diresaun Prevensaun no Sensibilizasaun durante tinan 2016 halao semináriu (subvensaun publiku), Focus Group Discusion (FGD), talk show, entrevista, ToT (Training of Trainer), kuis ka sorteiu, sertame, konkursu, diskursu no formasaun RUAK no peskiza  iha teritoriu Timor laran tomak. Atividades hirak ne’e tarjeitu ba estudantes, lider komunitariu, partidus politiku, konfisoens relijiosos no komunidade bain-bain.

Relatoriu annual CAC tinan 2016  nian ho 75 pajinas ne’e Komisariu Adérito Tilman aprezenta iha plenaria durante oras rua resin nian laran modera husi Prezidenti PN Adérito Huo da Costa  no hetan paresiasaun aas husi Nai Reprezentantes povu ba esforsu tomak ne’ebé Komisaun halo durante tinan tomak. (*)

Post ida ne'e mos Avalia iha: English

Previous postMinisteriu Hotu La Iha Ida Moos, Kuaze Komete Mal-Administrasaun Next postSenior Management CAC Halao Audiensia Ba PR Françisco Lu-Olo

What do you think?

Name required

Website

Popular

Senior Management CAC Aprezenta Relatoriu Annual 2016 nian ba PN