Featured Stories

UNODC-KPK Halao “Investigation Training” ba Investigador CAC-PSIC

husi

400A6277Dili – Komisariu Comissão Anti-Corrupção (CAC) Adérito Pinto Tilman iha loron Segunda-feira (7/08) ofisialmente loke formasaun kona-ba “Investigation Training” ba investigador CAC no Polisia Scientifika Investigasaun Criminal (PSIC).

Formasaun ne’ebe maka sei hala’o durante loron lima nia laran (7-11/08) hetan partisipasaun hosi partisipante liu 40 ne’ebe maka mai hosi CAC no PSCIC.

Formasaun ne’e finansia husi United Nations Office on Drugs and Crimes (UNODC) ne’e halao iha Salaun Maubara, Timor Plaza Dili. Formador ba formasaun ne’e mai husi investigador senior Komisi Pemberantasan Korupsi (KPK) Indonesia.

Objetivu husi formasaun ne’e atu aumenta kapasidade investigador CAC-PSIC nian atu investiga kazu korrupsaun. Iha formasaun ne’e, uza aprosimasaun siklus rekolha dadus, analisa dadus (bazeia ba keixa sira husi keixador sira ou investigasaun) no prosesu akuzasaun.

Formasaun loron lima ne’e nudar parte husi implementasaun MoU entre UNODC-CAC ne’ebé formaliza iha tinan 2014 liu ba. Prezensa UNODC iha TL atu suporta ajensia supremasaun lei nian hanesan CAC hodi oferese treinamentu asistensia tekniku no programa hasae kapasidade proposionadu ba instituisaun ida ne’e.

Komisariu Adérito iha nian intervensaun hamenon ba investigador CAC-PSIC sira atu aproveita oportunidade formasaun husi investigador KPK Indonesia nian ne’e hodi hakbiit sira nian kapasidade no horizonte. Investigador sira tenki uza kada oportunidade formasaun sira hetan tantu iha laran no mos iha rai liur.

“Ida ne’e momentu importante ba investigador CAC ho PSIC atu gainha esperiensia husi ita nian belun sira husi KPK Indonesia hodi halao servisu investigasaun nian ho kualidade ba kazu korrupsaun iha futuru,”  Komisariu Aderito hatutan teni.

Formasaun durante loron lima nian laran ne’e nudar kontinuasaun suporta husi UNODC, iha tinan tolu nian laran ba kotuk. UNODC fornese ona treinamentu iha area investigasaun, interogasaun, money laundry, computer forensic no digital evidence no seluk-seluk tan.

UNODC apoia luta kontra korrupsaun iha Timor-Leste finansiadu husi projeitu Norwegian “Strengthening Anti-Corruption Institutions in Timor-Leste”. Nudar parte husi projeitu, UNODC organiza atividades treinamentu kapasitasaun ba investigador CAC sira atu fortalese sira nian kapasidades atu detekta no investiga kazu korrupsaun.

Formador husi KPK Indonesia iha treinamentu ne’e mak; Aminudin, Afief Yulian Miftach, Any Susanti dan Ita Larasati.  (*)

Post ida ne'e mos Avalia iha: English

Previous postKomisariu Adjuntu CAC Manuel Bucar Halao Sorumutu Kortejia Ho Reprezentante KOICA no UNDP Next postDiretor Ezekutivu ICAC Hong Kong Vizita CAC

What do you think?

Name required

Website

Popular

UNODC-KPK Halao “Investigation Training” ba Investigador CAC-PSIC