Featured Stories

PM Alkatiri Lansa Livru Subvensaun Publiku Iha Komemorasaun Aniversariu CAC Ba Dawaluk

husi

website

Dili – Ohin loron Kinta-feira(22/2), Comissão Anti Corrupção (CAC) Komemora loron estabelesimentu nian ba Dawaluk ho serimonia lansamentu livru Subvensaun Públika ne’ebé lansa ofisialmente husi Nai Primeiro Ministro Dr. Mari Bin Amude Alkatiri akompanha husi Senior management CAC no membrus governu balun iha Salaun Ministeriu Solidaridade Sosial (MSS) Caicoli Dili.

Selebrasaun aniversario CAC tinan ne’e konvida special Primeiro Ministro Mari Alkatiri  hodi halo lansamentu ba livru subvensaun publika atu fo presaun ba CAC no entidades Estadu nian tomak hodi halao knar ho professional no dedikasaun tomak ba povu no nasaun nian diak iha luta prevene no kombate korrupsaun.

“Objetivu principal konvida Sua Exelencia Primeiro Ministru nudar lider nasional no fundador Estado RDTL atu fo presu politika makaas ba instituisaun CAC atu halo servisu ho profesionalismu no dedikasaun tomak iha luta prevene no kombate korrupsaun,” katak Komisariu Tilman.

Tema selebrasaun tinan ida ne’e nian mak “Utilizasaun Rekursu Estado nian ho efetividade ba dezenvolvimentu nasional, efeitu ba integridade no povu nian moris diak” ho aktividades seminariu atu haklean horizonte servidor Estado sira nian atu evita aan husi korrupsaun iha servisu fatin.

Seminariu sira ne’ebé hahu husi loron 6 too mai loron ohin 22 Fevereiro 2018 ne’e foka liu ba funsionariu Estado nivel Diretor Jeral, Diretor Nasional, Chefe Departamentu, Chefe Unidade iha linhas Ministeriais no instituisaun autonomos sirak ne’e atu fo hanoin ba Timoroan sira atu dedik aan tomak atu tane aas transparensia, integridade, akuntabbilidade, honestidade no responsabilidade iha servisu fatin ba povu no nasaun nian moris diak.

Objetivu foti tema utilizasaun rekursu Estado atu bolu atensaun konsiensia servidor Estado sira oinsa utiliza patromoniu Estado nian ho responsabilidade ba moris diak povu nian.

Partisipa iha selebrasaun loron CAC nian ne’e Senior Management CAC, Primeiro Ministro Mari Alkatiri, Ministra Solidaridade Sosial Florentina Smith, Vice Ministro Comercio, Industria no Ambiente (MCI) Jacinto Gusmão, Sekretariu Estado ba Asuntu Veteranos L-4, Inspector Geral do Estado (IGE) Francisco Carvalho, Adjunta PDHJ Jesuina Gomes hamutuk ho Servidor Estado senior husi linhas ministeriais no staff CAC sira hotu. (*)

Post ida ne'e mos Avalia iha: English

Previous postSenior Management CAC Halao Audiensia Kortezia ho Nai PM Dr. Mari Alkatiri Next postSenior Management CAC Halao Sorumutu Kortezia ho Nai PR Lu-Olo

What do you think?

Name required

Website

Popular

PM Alkatiri Lansa Livru Subvensaun Publiku Iha Komemorasaun Aniversariu CAC Ba Dawaluk