Featured Stories

Adjuntu Rui Ofisialmente Loke Treinamentu Criminal Intelligence & Investigations Finansia Husi Embaxada EUA iha TL

husi

400A0228Dili – Ohin Segunda-feira (19/3), Komisariu Adjuntu Comissão Anti-Corrupcão (CAC) ba Prevensaun no Sensibilizasaun Rui Pereira dos Santos akompanha husi Sua Execelensia Ambasodora Estadus Unidos Amerika (EUA) nian mai Timor-Leste Senhora Kathleen Fizpatrick ofisialmente loke treinamentu Criminal Intelligence and Investigations ba investigador sira husi CAC, PSIC. PNTL no Customs iha Hotel Ramelau Dili.

Treinamentu durante loron hat (19-22/3) ne’e oferese no finansia husi Embaxada Estadus Unidos Amerika (EUA) iha TL servisu hamutuk ho Homeland Security Investigations (ICE) no Federal Law Enforcement Training Centre (FLETC).

Komisariu Adjuntu CAC Rui dos Santos iha ninian intervensaun hameno ba formandus sira husi instituisaun judisial no Customs atu tuir formasaun ne’e ho seriu hodi hetan matenek no estratejia foun iha area intelijensia no investigasaun criminal nian hodi benefisia instituisaun Estado ne’ebé sira haknar aan.

“Hau espera imi tuir formasaun ne’e ho diak atu reforsa imi nian skill no hariku imi nian konhesimentu nudar investigador atu aplika iha imi nian servisu fatin iha instituisaun Estado judisiariu ba povu no nasaun nian diak,” katak Komisariu Adjuntu Rui dos Santos iha nian intervensaun.

“Formasaun ida ne’e importante atu eleva liu tan imi nian konhesimentu no horizonte iha area intelijensia ho investigasaun nian. Ho formasaun ida ne’e imi sai matenek liu tan koruptor sira.  Imi mak tenki matenek liu naokten no laos naokten mak atu matenek liu fali imi hodi naok povu nian osan,” Komisariu Adjuntu Rui Pereira dos Santos sublinha liu tan.

Formasaun ba investigador CAC, PNTL, PSIC no Alfandega ida ne’e nudar kontinuasaun tulun iha tinan hirak nia laran husi Embaxada EUA iha TL nian mai instituisaun judisiariu TL. (*)

Post ida ne'e mos Avalia iha: English

Previous postSenior Management CAC Halao Sorumutu Kortezia ho Nai PR Lu-Olo Next postSuperior CAC Simu Delegasaun Husi Smile Group Yogyakarta Indonesia

What do you think?

Name required

Website

Popular

Adjuntu Rui Ofisialmente Loke Treinamentu Criminal Intelligence & Investigations Finansia Husi Embaxada EUA iha TL