Featured Stories

Komisariu Adjuntu CAC Loke Treinamento Sobre Protesaun Denunsiantes no Testemunhas iha Luta Kontra Korrupsaun

husi

400A0577Díli – Ohin, Tersa-feira (17/4), Komisariu Adjuntu Comissão Anti-Corrupção (CAC), Manuel Bucar Corte-Real, akompanha husi adviser UNODC nian Francesco Checci ofisialmente loke formasaun nasional durante loron rua sobre Protesaun Denunsiantes no Testemunhas iha Luta Kontra Korrupsaun.

Formasaun ne’e fasilita-finansia husi United Nations Office on Drugs and Crime (UNODC) no formador mak adviser UNODC Francesco Checci iha Maubara Room Timor Plaza Dili.

Objetivu husi husi treinamentu ne’e atu fornese konhesimentu espesializada, konhesimentu no habilidades prátikas ba autoridades anti-korrupsaun, investigador, prokurador no sistema justisa kriminal hotu, nune’e possibilita diskussaun kona-ba konseitu dezafius espesífikus iha protesaun ema no testemunha, utiliza medidas sira iha nasaun seluk ho sira ninian forsa no limitasaun sira.

Komissáriu Adjuntu Bucar iha ninian intervensaun hateten ba partisipantes formasaun ne’e, espesialmente ba investigador CAC nian atu uza oportunidade treinamentu ne’e atu aumenta sira nian kapasidade no habilidades.

“Oportunidade formasaun ida ne’e importante tebes atu imi uza, liu-liu investigador CAC uza ho didiak hodi benefisia imi iha luta kontra korrupsaun,” katak Komisariu Adjuntu Bucar

“Hau espera imi bele aproveita workshop ida ne’e ho sinseriedade atu bele benefisia instituisaun CAC no Estado Timor-Leste iha luta kontra korrupsaun,” Adjuntu Bucar hatutan teni.

Treinamentu ida ne’e halibur reprezentantes autoridades anti-korrupsaun, investigadores, prokuradores, juízes ne’ebé envolve iha protesaun keixador sira no testemunhas, Ministério da Justisa, Ombudsman, GOPAC, nune’e mos organizasaun seitor privadu no sosiedade civil.

Formasaun durante loron rua nian laran ne’e nudar suporta kontinuasaun husi UNODC iha tinan hat nian laran ba kotuk UNODC fornese ona treinamentu iha area investigasaun, interogasaun, fase osan-money laundry, computer forensic no digital evidence no seluk-seluk tan. (*)

Post ida ne'e mos Avalia iha: English

Previous postKomisariu Adjuntu Bucar Simu Regional Anti-Corruption Advisor ba UNODC Zorana Markovic

What do you think?

Name required

Website

Popular

Komisariu Adjuntu CAC Loke Treinamento Sobre Protesaun Denunsiantes no Testemunhas iha Luta Kontra Korrupsaun