Featured Stories

CAC Deteta FP Balun Komete Irregularidades Iha Kampanha EA

husi

cneDili – Comissão Anti-Corrupção (CAC) hasai Ordem Servisu ba Espesialista Anti Korrupsaun (EAK) hamutuk nain ualu ba halao monitorizasaun ba utilizasaun patrimoniu estado durante periodu kampanha eleisaun antisipada iha munisipiu sira iha loron 10 Fulan Abril 2018.

Durante halo monitorizasaun, ekipa CAC detekta Funsionariu Publiku balun komete irregularidades hodi uza patrimoniu Estado kareta no motor ba aktividades kampanha. FP balun mos la foti lisensa maibe ba tuir kampanha iha oras servisu nian.

Ordem Servisu ne’e bazeia ba Lei No. 8/2009 loron 19 fulan Julhu kona-ba harii Comissão Anti-Corrupção; Decreto Lei No. 23/2015, loron 29 fulan-Julhu kona-ba aprova estrutura organika CAC.

Objetivu husi Ordem Servisu ida ne’e atu delega kompetensia ba ekipa monitorizasaun hodi halao servisu monitorizasaun iha terenu no identifika malpratika utilizasaun patrimoniu estado iha periodu kampanha Eleisaun Antisipada.

Nudar instituisaun anti korrupsaun, preukupa kona-ba kazu korrupsaun ne’ebé penetra ona iha seitor sirak iha sosiedade sira nian moris hodi afeta ba servisu importante rekurusus estado nian, ameasa estabilidade politika no dezenvolvimentu sustentavel.

Konsiente katak korrupsaun laos ona sai hanesan problema lokal ida, maibe hanesan fenomeno transnasional ne’ebé afeta sosiedade tomak nian moris, nune’e importante atu iha vontade politika ida forte, kooperasaun diak ba prevene no kombate korrupsaun hamutuk ho instituisaun relevante sira iha governu.

Konsiente katak hariku-an tuir dalan la-loos bele estraga instituisaun demokratika sira, ekonomia nasional no Estado direitu.

Komisaun delega kompetensia ba ekipa monitorizasaun sira hodi halo koordenasaun servisu no monitorizasaun ne’e halao iha monisipiu sira hahu loron 10 fulan Abril too loron sia (9) fulan-Maio 2018. Durante aktividade ne’e halao, ekipa fo konhesimentu ba autoridade lokal iha munisipiu sira.

“Rezultadu monitorizasaun identifika irregularidade ne’ebé funsionariu sira komete, CAC sei hato’o auto-partisipasaun ba iha Ministeriu Publiku. Wainhira simu delegasaun kompetensia mak CAC sei halo investigasaun kriminal ba funsionariu sira ne’ebé komete irregularidades iha utilizasaun patrimoniu Estado iha kampanha ba justisa,” katak Komisariu Adjuntu Rui Pereira dos Santos. (*)

Post ida ne'e mos Avalia iha: English

Previous postKomisáriu Aderito Tilman Sorumutu ho Ekselentisima Embaisadora EUA mai TL Sra. Kathleen Fizpatrick Next postKomissáriu Adjuntu CAC Loke Formasaun Kona-ba Investigasaun Finanseiras no Ligasaun ho Fase Osan

What do you think?

Name required

Website

Popular

CAC Deteta FP Balun Komete Irregularidades Iha Kampanha EA