Featured Stories

Komissáriu Adjuntu CAC Loke Formasaun Kona-ba Investigasaun Finanseiras no Ligasaun ho Fase Osan

husi

400A2118Dili - Ohin, Tersa-feira (22/5), Komisariu Adjuntu Comissão Anti-Corrupção (CAC) Rui Pereira dos Santos, akompanha husi Assessor Regional ba Kombate Korrupsaun Nações Unidas Kontra Droga Crime (UNODC), ofisialmente loke formasaun durante loron tolu (22-24 Maiu) kona-ba Kooperasaun Internasional iha Investigasaun Finanseiras no Fase Osan.

Formasaun ne’e fasilita no finansia husi UNODC ne’ebé formadores sira husi UNODC rasik Zorana Markovic, Examinadora de Fraude Certificada (CFE) no Contadora Forense Miroslava Milenovic Especialista Anti-Corrupção Cornelia Koertl iha Maubara Room Timor Plaza Dili.

Objetivu husi formasaun ne’e projeta atu fornese habilidades no ferramentas espesializada ba investigadores CAC nian, Prokurador, Juíz sira kaer kazu kompleksu korrupsaun nian ne’ebé envolve transaksaun finanseiras.

Eventu ida ne’e mos ho objetivu atu melhora habilidades atu uza ho efetivu, efikaz dokumentus finanseirus nian no halo identifikasaun transakasaun suspeita sira, buka tuir no koleta provas-evidensia adequadas ligadu ho transaksaun fase osan nian.

Aléim ida ne’e, sei sai plataforma atu discuti formas atu melhora inter-agensia no kooperasaun internacional no oferese sistema justiça kriminal hodi identifika nesessidades ba reformas no melhoramentu foun. Notavelmente, eventu ida ne’e sei permita ba prátikas habilidade no presija liu husi pratikas no ezersisiu kazu sira iha grupus.

Komisariu Adjuntu CAC, Rui, iha ninian diskursu abertura koalia ba partisipante sira, espesialmente ba investigadores CAC sira nian atu uza oportunidade treinamentu ida ne’e atu melhora sira nian kapasidade no habilidades. “Formasaun ida ne’e importante tebes, espesialmente ba investigador CAC sira atu aprende, melhora imi nian horizonte no conhecimento konaba kooperasaun internasional iha investigasaun finanseira no brankamentu kapitais formasaun loron tolu ne’e nian hodi benefisia ita hotu iha luta kontra korrupsaun ita nian rai doben Timor-Leste”, katak Komisariu Adjuntu Rui.

Treinamentu ida ne’e reúne representantes autoridades antikorrupsaun, investigadores CAC, Prekurador, Unidade Informasaun Financeiras (FIU) no Polísia Investigasaun Criminal (PSIC).

Formasaun durante loron tolu nian laran ne’e nudar suporta kontinuasaun husi UNODC iha tinan hat nian laran ba kotuk UNODC iha ne’ebé fornese ona treinamentu iha area investigasaun, interogasaun, fase osan, computer forensic and digital evidence, ikus liu mak Kooperasaun Internasional iha Investigasaun Finanseiras no Fase Osan no seluk-seluk tan (*)

Post ida ne'e mos Avalia iha: English

Previous postCAC Deteta FP Balun Komete Irregularidades Iha Kampanha EA

What do you think?

Name required

Website

Popular

Komissáriu Adjuntu CAC Loke Formasaun Kona-ba Investigasaun Finanseiras no Ligasaun ho Fase Osan