Featured Stories

CAC ho PNUD Asina Projeitu Haforsa Servisu Anti-Korrupsaun Finansia husi KOICA

husi

400A2606Dili – Comissão Anti-Corrupção (CAC) ho Programa Nasoens Unidas ba Dezenvolvimentu (PNUD) iha Timor-Leste (TL) Segunda-feira (9/7) asina dokumentus projeitu ho naran “Haforsa servisu anti-korrupsaun, transparensia no akuntabilidade ba sustanebilidade dezenvolvimentu Timor-Leste” ne’ebé finansia husi Korea International Cooperation Agency (KOICA) iha Hotel Ramelau Aimutin Dili.

Reprezentante CAC asina dokumentus projeitu ne’e mak Komisariu Adérito Pinto Tilman no PNUD reprezenta husi Kordenandor Rezidensia ONU no PNUD nian iha Timor-Leste Roy Trivedy. Sasin ba serimonia asinatura dokumentus ne’e mak Ministro Justisa Manuel Carceres, Ministro Reforma Lejislativu no Asuntu Parlamentariu Fidelis Leite Magalahes, fundus nain no Country Director KOICA Sikhyo Kim,  Komisariu Adjuntu CAC nain rua Manuel Bucar, Rui Pereira dos Santos, staff CAC no PNUD sira.

Objetivu husi projeitu ne’e atu reforsa transparênsia no responsabilidade instituisoens governamentais husi nível nasional too ba iha nivel munisipiu sira hodi hasae konsiensia sidadaun Timor nian kona-ba impaktu negativu korrupsaun ba dezenvolvimentu nasaun.

Komisariu Adérito Pinto Tilman iha ninian intervensaun agredese ba KOICA ne’ebé finansia projeitu ida ne’e liu husi PNUD atu elabora Planu Estratejia Nasional Anti Korrupsaun Timor-Leste nian.

“Lori CAC nian naran hatoo agradese ba KOICA no PNUD iha Timor-Leste, espera katak ita nian servisu hamutuk ne’e bele reforsa liu tan valores prevensaun no anti-korrupsaun iha Timor-Leste” Katak Komisariu Adérito Pinto Tilman.

“Ita sei servisu hamutuk hodi fortifika anti-korrupsaun, akuntabilidade no transparensia  iha dezenvolvimentu TL. Liu-liu ita tau prioridade iha seitor publiku, ba iha autoridades sira atu sensibiliza sira kona-ba valores anti-korrupsaun iha ita nian governasaun,”

Projeitu ida ne’e sei konsentra iha finalizasaun dezenvolvimentu polítika/estratéjia jeral anti-korrupsaun, akompanha ho inisiativa kapasitasaun funsionárius públikus iha nivel administrasaun nasionais too ba iha munisipiu sira hodi promove riskus korrupsaun iha áreas hanesan aprovizionamentu no alfandegas.

Ho aprosimasaun komprehensivu no multi-seitoral hodi kombate korrupsaun, projeitu preve ba iha tempu naruk, instituisaun  governamentais ida forte, transparente, akuntabel no kapasita sidadaun tomak atu iha responsabilidades ba nian nasaun doben Timor-Leste.

Meta no objektivus projeitu ne’e iha linha no fileira hanesan ho Planu Estratéjiku Dezenvolvimentu Timor-Leste (2011-2030) ho United Nations Development Assistance Framework (UNDAF) nian ba República Democrática de Timor-Leste 2015-2019: suporta dezenvolvimentu justu no sustentável ba nasaun joven ne’ebé foin konstroe.

Planu Dezenvolvimentu Estratéjiku ba Jestaun Seitor Públiku no Boa Governasaun Timor-Leste nian enfatiza ba iha konstrusaun konfiansa ba governo liu husi prestasaun servisu públiku ho kualidade ba promosaun valores servisu sivil.

Etapa dahuluk servisu parseria entre CAC ho PNUD nian estabelese ona iha tinan 2011-2013 iha ne’eé foka liu ba oinsa melhora kapasidade institusional husi CAC ne’ebé foin estabelese, iha area partisipasaun civil, divulgasaun, melhora parseria no peskiza analitiku kona-ba issue korrupsaun no mos oferese programa formasaun espesializada ba investigador CAC nian. (*)

Post ida ne'e mos Avalia iha: English

Previous postCAC Asina MoU ho UIF Next postKomisáriu Adérito Hato’o Relatoriu Annual 2017 Ba PN

What do you think?

Name required

Website

Popular

CAC ho PNUD Asina Projeitu Haforsa Servisu Anti-Korrupsaun Finansia husi KOICA