Featured Stories

CAC Aprezenta Relatoriu Ezekusaun no Proposta Orsamentu ba Komisaun A PN

husi

Dili – Iha loron Sesta-feira (17/8), Ekipa Comissao Anti-Corrupção (CAC) kompostu hosi eis Sekretariu Ezekutivu, Direitur Servisu Apoiu no Kooperasaun, Direitur Investigasaun, Direitur Prevensaun no Chefe Unidades balun ba halao aprezentasaun relatoriu ezekusaun orsamentu 2017 no proposta orsamenu addisional 2018 ba Komisaun A Parlamentu Nasional (PN). Enkontru ne’e halao iha Salaun Konferensia Parlamento Nacional (PN) durante oras tolu nia laran.

Objetivu ekipa CAC aprezenta relatoriu ezekusaun orsamentu 2017 ba Komisaun A PN nudar parte ida husi akuntabilidade ne’ebé Komisaun halo tiha ona kada tinan. Nune’e, Komisaun hatoo proposta orsamentu addisional atu finansia aktividades importantes CAC nian iha fulan hat (4) ba oin.

Orsamentu addisional ne’e Komisaun sei utiliza ba aktividades boot no importante ne’ebé Komisaun sei halo; kontinua halo investigasaun criminal, programa sensibilizasaun korrupsaun, nudar estadu parte ba self-assesment iha ne’ebé tinan 2018 ne’e delegasaun nasaun rua Bulgaria no Marshal Island sei halo review mai TL.

Proposta orsamentu addisional ne’e sei kobre nesesidade servisu Komisaun nian ho kategoria urjente hanesan rekrutamentu asesór, viajen local ho estrajeiru no manutensaun edifisiu no kareta.

Parlamentu Nasional TL ratifika ona nudar membru Estado Parte UNCAC nian iha tinan 2008 liu ba. Iha self-assessment ne’e, TL sei hetan review kona-ba sa metodu preventive korrupsaun mak TL adopta iha luta kombate korrupsaun ho ninian progresu ho atinji tomak.

Komisaun sei komemora loron mundial anti korrupsaun ne’ebé sei konvida membrus orgaun soberanu sira; Primeiru Ministru, Prezidenti PN no Prezidenti Pepublika atu sai orador prinsipal iha seminariu Nasional iha loron sia (9) Fulan Dezembro 2018. Iha Seminariu ne’e, lider orgaun soberanu importante sirak ne’e sei hatoo sira ninian komitmentu no intensaun jenuina ba luta kolektivu kontra korrupsaun iha nasaun doben Timor-Leste.

Aprezenta mos ba PN progresu ezekusaun orsamentu iha tinan 2017, iha ne’ebé fahe ba kategoria tolu; Salariu no Vensimentu, Bens no Servisu no Kapital Menor ho total persentajem ezekusaun atnji 76%. Nune’e mos, instituisaun CAC iha ezekusaun orsamentu Rezime Duadesimo iha fulan Janeiru – Agustu 2018 total gastus hamutuk $ 80,592.

Aprezentasaun ne’e halo husi eis-Sekretariu Exekutivu CAC Alexandre Freitas. Diretór Servisu Apoiu no Kooperasaun Carlos Bento Mau Bere, Diretór Investigasaun Augostu Castro, Diretór Prevensaun no sensibilizasaun Rosario de Araújo no chefi unidade CAC balun.

Enkontru ne’ebé preside hosi Prezidente Komisaun A PN Deputada Carmelita Caetano Moniz ne’e akompanha ho deputadu Komisaun A nian hamutuk nain 11. (*)

 

Post ida ne'e mos Avalia iha: English

Previous postEkipa CAC Sorumutu ho Delegasaun EU Atu Implementa PFMO Next postEkipa CAC Reuniaun ho Embaixadora EUA

What do you think?

Name required

Website

Popular

CAC Aprezenta Relatoriu Ezekusaun no Proposta Orsamentu ba Komisaun A PN