Featured Stories

CAC, Ministerio RLAP no UNODC Halao Workshop Nasional Kona-ba Kontribuisaun Esbosu LAK

husi

Dili – Comissão Anti-Corrupção (CAC) Timor-Leste, Ministério da Reforma Legislativa e Assuntos Parlamentares (RLAP) organiza workshop nasional durante loron rua. Workshop Konsulta Nacional sobre Kontribuisaun Projecto Lei Anti-Korrupsaun. Workshop Nacional fasilita husi Eskritório Nações Unidas sobre Drogas e Crime (UNODC) Programa Nações Unidas Desenvolvimento (PNUD) Timor-Leste. Eventu durante loron rua (21-22) Novembro 2018 nee halao iha Salaun Konferênsia Suai Timor Plaza Dili Timor-Leste.

Konsultasaun ida ne’e halibur formuladores polítikas ka policu makers, espesialistas jurídikus husi Parlamento Nacional, órgãuns relevantes, espesialistas internasionais hodi kompartilha melhores prátikas no esperiênsias internasionais nune’e possibilita diskusaun sobre projeto lei ida ne’e.

Eventu ida nee loke husi Ministro Reforma Legislativa e Assuntos Parlamentares Fidelis Leite Magalhães. Iha nian intervensaun, Ministro empaza importânsia vontade polítika nudar baze atu kombate korrupsaun. “Lejislasaun kontra korrupsaun indikador ida hatudu ita hotu nian vontade polítika (luta kontra korrupsaun)”, Ne’ebé Ministro Fidelis diriji lia hirak ne’e ba reprezentantes 32 instituisaun públikus no institusaun sociedade civil ne’ebe prezente iha workshop nasional ne’e. Ministru Magalhães mos sublinha importânsia protesaun sasin nain-testemunhas no whistle blower.

Nune’e mos, Ministro Fidelis reafirma polítika Oitavo Governu Konstitusional kona-ba boa governansaun, iha ne’ebé refleta ninian programas hanesan reforma institusional, e-planning, promosaun boa kooperasaun entre instituisaun ba prevensaun no kombate korrupsaun.

Iha okaziaun hanesan, Konselheira Rejional UNODC nian tur iha Bangkok, Tailândia, Zorana Markovic, iha ninian diskursu abertura, konkorda ho Ministro Fidelis kona-ba importânsia vontade polítika atu suporta iha esforsus luta kombate korrupsaun. Senhora Markovic observa TL iha duni vontade polítika diak atu dudu prosesu dezenvolvimentu lei
anti-korrupsaun.

Sra. Markovic esplika katak workshop nasional ida ne’e nudar kontinuasaun kooperasaun mútua entre UNODC no CAC Timor-Leste hodi kontribui ba dezenvolvimentu esbosu lei anti-korrupsaun. Nune’e, reprezentantes UNODC sei dedika workshops loron rua ne’e hodi kompartilha sira nian konhesimentus esperiênsias husi nasaun seluk nian sobre dezenvolve lei anti-korrupsaun no dejeiju bele tulun partisipante sira bele iha horizonte ida luan iha prosesu dezenvolvimentu lei anti-korrupsaun iha Timor-Leste. (*)

Post ida ne'e mos Avalia iha: English

Previous postTimor-Leste’s Brief Report on Implementation UNCAC In the 2nd Resumed 9th Session of the Implementation Review Group Vienna, 12 – 14 November 2018

What do you think?

Name required

Website

Popular

CAC, Ministerio RLAP no UNODC Halao Workshop Nasional Kona-ba Kontribuisaun Esbosu LAK