Uncategorized

CAC Aprezenta Rekomendasaun Atu Inkorpora ba LAK iha Komisaun A PN

husi

Dili – Horseik (27/2) Kuarta-feira, Komisariu Comissão Anti Corrupção (CAC) Dr. Sergio Hornai akompanha ho estrutura CAC nian tomak kumpri konvite husi Komisaun A Parlamentu Nasional (PN) ba Asuntu Justisa no Konstitusional hodi ba atende public hearing ka audiensia publiku hodi hatoo pozisaun no opiniaun kona-ba proposta Lei Anti-Korrupsaun (LAK) iha Salaun Konferensia PN.

Estrutura CAC nian simu husi Vise Prezidenti Komisaun A Deputado Françisco de Vasconselos husi bangkada PLP, Deputadus bangkada Partidu FRETILIN Aniceto Guterres, Joaquim “Boraluli” dos Santos no Deputado bangkada CNRT Patrocínio Fernandes dos Reis.

LAK ne’e rasik propoin husi bankada opozisaun iha PN FRETILIN no Partidu Demokratiku (PD). CAC nudar instituisaun implementador LAK iha futuru hetan konviti hodi ba halo ninian pareser no rekomendasaun ba iha projeitu LAK.

Iha sorumutu ho deputadu sira, Komisariu CAC Dr. Sergio Hornai hatoo rekomendasaun hamutuk pontus 12 durante diskusaun. Rekomendasaun sira ne’e tau empaze ba iha aspeitu fundamental balun hanesan; krimi sira ne’ebé seidauk regula iha kodego penal, kompetensia CAC iha prosesu investigasaun ba kazu korrupsaun, medida prevensaun nian, nune’e mos recoperação de activos.

Além ida ne’e, rekomendasaun mos kobre issue sira seluk iha ne’ebé relevante ho esforsu kombate korrupsaun hanesan implementasaun extradisaun, protesaun ba sasin nain (testemunhas) sira, peritus no vítima sira, no mos protesaun ba keixador sira. Komissáriu espera recomendasaun CAC nian ne’e bele konsidera iha versaun final ba lei anti-korrupsaun molok aprezenta ba iha plenaria atu deskuti no aprova.

Diskusaun halao iha ambiente positive, konstrutivu no Deputado sira nudar proponente ba proposta LAK fo apresiasaun aas ba CAC nian pareser no rekomendasaun sira. (*)

Post ida ne'e mos Avalia iha: English

Previous postFunsionariu Komemora Loron Funsionamento CAC Ba Dasiak Next postKomisariu CAC Sergio Hornai Sorumutu ho Diretora DoJ EUA ba Southeast Asia

Popular

CAC Aprezenta Rekomendasaun Atu Inkorpora ba LAK iha Komisaun A PN