Featured Stories

Funsionariu Komemora Loron Funsionamento CAC Ba Dasiak

husi


Dili – Ohin (22/2) Sesta-feira, Komisariu Comissão Anti Corrupção (CAC) Dr. Sergio Hornai hamutuk ho Espesialista Anti-Korrupsaun (EAK) selebra loron funsionamentu CAC ba Dasiak hodi vizita loja konstrusaun Victoria Colmera, stasaun kombustivel Aituala Comoro no taka ho seminariu hamutuk ho universitariu sira iha Universidade da Paz (UNPAZ) Osindo Dili.
Iha selebrasaun ne’e, Komisariu Dr. Sergio Hornai husu no enkoraja seitor privadu sira iha Timor-Leste nudar parseiru importante ba seitor publiku iha prosesu konstrusaun Estado Timor-Leste atu halao negosiu ho honestidade hodi garante boa-governasaun iha Timor-Leste.
“Ohin ami selebra loron funsionamentu CAC nian no ami mai iha ne’e atu hatoo mensajen ida klaru ba imi (seitor privadu sira katak Estado Timor-Leste iha komitmentu boot atu kombate korrupsaun… liuliu ami husu kontribuisaun ba iha seitor privadu sira atu ajuda seitor publiku iha boa-governasaun hodi la emiti nota falsu,” katak Komisariu ba Kompanha nain loja Victoria Colmera hamutuk ho ninian servisu nain sira iha Colmera Dili.
Komisariu ho nian ekipa EAK sira mos ba vizita Kompanha Kombustivel Aitula Fuel Comoro ne’ebé tinan 10 resin ona fornese kombustivel ba governu Timor-Leste. Komisariu Sergio husu ba kompanha nain atu la autoriza kareta no motor privadu uza kupon mina Estado nian mai atesta mina iha stasaun kombustivel Aitula Fuel.
CAC taka komemorasaun loron importante ida ohin hamutuk ho universitarius UNPAZ Osindo Dili ho seminariu oras balun. Komisariu husu ba universitariu sira ne’ebé sei simu estafeta lideransa nasional iha future atu sai mensajeiru anti-korrupsaun ba sosiedade Timorense tomak. (*)





Post ida ne'e mos Avalia iha: English

Previous postEmbaixadora EUA iha TL Visita Comissão Anti-Corrupção Next postCAC Aprezenta Rekomendasaun Atu Inkorpora ba LAK iha Komisaun A PN

Popular

Funsionariu Komemora Loron Funsionamento CAC Ba Dasiak