Featured Stories

Komisariu CAC Sergio Halao Sorumutu ho Direitor Ezekutivu CEPAD João Boavida

husi

Dili – Komisariu Comissão Anti-Corrupção (CAC) Dr. Sergio Hornai akompanha husi Direitor Diresaun Servisu Apoiu no Kooperasaun (DSAC) Dr. Carlos Bento Mau Bere no Chefe Unidade Kooperasaun Dr. João Correia do Rosario halao sorumutu ho Diretor Ezekutivu CEPAD – Centru Estudos para a Paz e o Dezenvolvimento Dr. João Boavida ho nian ekipa Kuarta-feira (24/4) ohin iha Sala Komisariu Farol Dili.

Objetivu sorumutu ne’e CEPAD komprementa Komisariu no aprezenta ninian servisu prevensaun korrupsaun no posibilidade akstensaun MoU entre CAC-CEPAD ne’ebé asina iha tinan 2016 no remata ona iha loron 9 Fulan Dezembro 2018.

CEPAD nudar Organizasaun Non-Governamental (ONG) nasional ne’ebé parseria diak ho CAC iha luta kontra korrupsaun iha Timor-Leste durante tinan sia (9) ezistensia CAC nian. CEPAD halao ona seminariu no workshops iha teritoriu laran tomak atu fo hanoin ba Timoroan sira nudar jerente Estado iha seitor publiku atu iha konsiensia la komete krimi ekstra-ordinariu korrupsaun kontra povu no nasaun doben TimorLeste.

Sorumutu ida ne nudar sorumutu dahuluk entre CAC ho CEPAD hafoin Komisariu CAC Dr. Sergio Hornai simu knar iha loron 22 fulan Janeiro 2019 liu ba husi Prezidenti Parlamento Nasional (PN) Arao Noe iha resintu Uma Fukun PN. (*)

Post ida ne'e mos Avalia iha: English

Previous postKomisariu CAC Dr. Sergio Halao Sorumutu ho Ministro MRLAP Fidelis Next postKomisariu Ofisialmente Loke Seminariu Prevensaun Korrupsaun ba Instituisaun SERVE

Popular

Komisariu CAC Sergio Halao Sorumutu ho Direitor Ezekutivu CEPAD João Boavida