Featured Stories

Komisariu Ofisialmente Loke Seminariu Prevensaun Korrupsaun ba Instituisaun SERVE

husi

Dili – Komisariu Comissao Anti-Corrupção (CAC) Dr. Sergio Hornai ofisialmente loke workshop ho topiku “Hametin Integridade Estado Tuir Lei” ba funsionariu publiku ne’ebé haknar aan iha instituisaun autonoma finanseira Servico de Registo e Verificacao Empresarial (SERVE) Kinta-feira (25/4) ohin iha Hotel Ramelau Aimutin Dili.

Prezensa iha seminariu ne’e mak; UNDP Resident Representative iha Timor-Leste Claudio Providas, reprezentante Korean International Cooperation Agency (KOICA) Kyungmoo Jun, Diretor Ezekutivu SERVE Florencio Sanches no partisipantes seminariu staf SERVE rasik no inspetor sira husi instituisaun publiku sira hamutuk nain 20.

Seminariu ne’e finansia husi Ajénsia Koperasaun Internasionál husi Korea (KOICA)/Governu Korea no Programa Nasoins-Unidas ba Dezenvolvimentu (UNDP) ne’ebé lansa-ona programa ne’e iha tinan 2017; Anti-korrupsaun no desentralizasaun atu “Hasa’e Akuntabilidade Seitór Públiku liu-husi hametin institusionál ba anti-korrupsaun no desentralizasaun iha Timor-Leste 2017-2019.

Parseria foun ne’e sei ajuda Governu Timor-Leste atu harii seitór públiku desentralizadu ida ne’ebé efikás no inkluzivu no atu promove partisipasaun demokrátiku ba sidadaun sira iha nivel munisipal.

Seminariu ida ne’e mos halo parte husi kontinuasaun asistensia KOICA atraves UNDP iha Timor-Leste ba programa reforsa transparensia no responsabilizasaun ba sidadaun tomak no instituisaun governaentais sira iha nivel nasional no municipal hodi sensibiliza impaktu negative husi korrupsaun ba iha dezenvolvimentu nasaun doben Timor-Leste.

Projeitu asistensia husi KOICA atraves UNDP nee kobre aktividades hitu (7); elabora no finalize Estratejia Nasional Kombate Korrupsaun, realiza seminariu konsiensializasaun sobre etika, integridade no prosedimentus aprovizionamentu iha munisipiu hotu, realiza workshop ba funsionariu publiku sira iha SERVE sobre prevensaun korrupsaun iha koleksaun ba impostus no lisensiamentu ba kompanha, dezenvolve manuais sobre valores integridade no inspensaun monitoramentu, dezenha paktu integridade, transisaun programas kona-ba prevensaun korrupsaun iha televizaun no radio no realiza workshop ba juventude sira sobre prevensaun korrupsaun.

Projeitu ho folin $350.355 mil Dolares nee asina tiha ona iha loron 9 Fulan Julho 2018 iha tempu Segundu Mandatu Komisariu Dr. Aderito Pinto Tilman nian lideransa iha Hotel Ramelau Dili. (*)

Post ida ne'e mos Avalia iha: English

Previous postKomisariu CAC Sergio Halao Sorumutu ho Direitor Ezekutivu CEPAD João Boavida Next postEAK Konklui Formasaun Loron Tolu Sobre Anti-Corruption & Financial Investigations Suporta husi U.S. OPDAT

Popular

Komisariu Ofisialmente Loke Seminariu Prevensaun Korrupsaun ba Instituisaun SERVE