Uncategorized

Nomeasaun Komisariu Adjuntus CAC Nain 3: Sinal Esperansa no Promessa

husi

Dili – Komisáriu Comissão Anti-Corrupção CAC) Dr. Sergio Hornai nomeia Komisariu Adjuntus nain tolu atu tulun nia lidera instituisaun CAC iha Terseiru Madatu ba periodu 2019-2023. Nomeiasaun ofisial neebe anunsia iha Jornal da Republica Sexta-feira 31 de Maio de 2019 Série II, No. 21 ne’e, indika Dr. Augosto da Costa Castro nudar, Komisáriu Adjuntu ba Investigasaun Kriminal, Dr. Luis de Oliveira Sampaio ba Prevensaun no Sensibilizasaun no Dr. Alexandre Faustino Freitas, ba Komissáriu Adjuntu Serviços de Apoio e Cooperação.

Serimônia toma pose ba Komisáriu Adjuntos nain tolu nee realiza iha loron 21 Junho 2019 hamutuk ho Diretores nain rua no Chefes unidades nain Ualo (8) neebe Komisariu designa tiha ona. Diretores rua ne’e mak Diresaun Servisu Apoio no Kooperasaun no Diresaun Prevensaun no Sensibilizasaun. Enkuantu, kargu Chefes Unidade sira mak; Unidade investigasaun no informasaun, monitorazasaun no inspeksaun, avaliasaun risku, konsiensializasaun públika, jestaun rekursus humanu, finansas no logístika no Akuizasaun.

Nomeasaun ba kargu iha CAC eksklusivamente mandatu Komisáriu nian bazeia ba Lei No. 8/2009 15 de julho de 2009. Formasaun estrutura CAC nian ho ninian tarefa sira bazeia ba Dekretu Lei No. 23/2015 no Dekretu Lei n.º 24/2015.

Estrutura ida nee kompleta liu ba dahuluk hafoin CAC harii no halao ninian funsionamentu iha tinan 2010. Mandatus anterior sira iha deit Komisariu Adjuntus nain rua kompara ho Terseiru Mandatu neebe iha ninian Komisariu Adjuntus nain tolu bazeia ba Lei Nu. 8/2009. Estrutura foun nee nakonu ho promesas no esperansa hafoin Komisariu Dr. Sergio Hornai hili Komisariu Adjuntus nain rua ne’ebé durante tinan sia (9) servisu ona nudar funsionariu permanente ho grau aas iha CAC (Diretor Investigasaun no Eis-Sekretáriu Ezekutivu).

Komisariu Adjuntus nain rua iha ona esperiensia naton iha luta kontra korrupsaun hahu husi primeiru mandatu Komisariu nian funsionamentu. Komisariu Adjuntu ba Prevensaun no Sensibilizasaun Dr. Luis Sampaio, Director Programa Monitorizasaun Sistema Judicial (JSMP) iha Timor-Leste, servisu nain ONG nasional nian ne’ebé dedika an ba area justisa nian iha tinan 10 nia laran. Komisariu mos servisu iha área justisa kuaze dékadas rua no okupa várius kargus importante inklui kargu Chefe Defensor Públika Timor-Leste.

Kombinasaun konhesimentu, horizonte no esperiênsias husi líderes prinsipais CAC nian née promissora tebes no espera sira sei hetan suporta, apoiu politika, finanseiru sufisiente para halao funsaun ho melhor tuir lei no espera bele rezulta estratéjiku ida inovativu hodi reflekta nesessidades nasaun nian iha prevene no kombate korrupsaun.

Post ida ne'e mos Avalia iha: English

Previous postKomisáriu CAC Dr. Sergio Hornai Aprezenta Relatoriu Annual 2018 ba PN

What do you think?

Name required

Website

Popular

Nomeasaun Komisariu Adjuntus CAC Nain 3: Sinal Esperansa no Promessa